فقد سلطان

يـالـله انا طالـبك يا عـالي الشان = طالـبك يامهــوّن امـور العسيـره


انـك تـصبّرنا على فـقــد سلطان = الحال صارت عقب فقده حسيره


طالـبك تـثـبيته على النطق بلسان = طالبـك تـثـبـيـته بـنـور البصيره


يالله تفتح لـه عـلى الخـلد بـيـبـان = طالـبـك يـالـرحمن قـبـره تـنـيره


تجعلْْه بالفردوس من بين ريضان = والزعفران يصير فيـها حصيره


فيـها الفــواكه كلها اشكال والـوان= فيـها الطيـوراللي تجي له يسيره


والحور وانهار العسل سيح والبان = والما زلال(ن) والفضايل كثيره


ياصاحب الرحمه على الخلق رحمن = غفّار لصغار الذنوب وكبيره


ماخـاب من يـرجاك يـارب الاكـوان= الـكــون كــلّــه ياإلـهي تـديــره

,,

صح لساااااااااانه.

والله يرحم الفيد.

,,,,,

صح بدنك


الله يرحمه رحمة واسعه

صح لسانك والله يرحم سلطان

صح بدنك


آمين الله يرحم سلطان الخير