بعير جاني هديه

مساكم الله بالخير
مناسبة هذه القصيده بعير جاني هديه من عند سعد بن سرحان النقيز الذيابي
وانتج البعير انتاج طيب وبهالمناسبه كتبت هالابيات امدح بنت البعير والبعير
وسعد بن سرحان غني عن التعريف

هواي وضح(ن)شناح(ن)نيها زامي

فقارها شبر والغارب ذراعيني

فجح(ن)نحرها مثل بوابة الشامي

سند(ن)مقاس رقبتها فوق باعيني

هنداسة الخام عند مبيع الخامي

خرع الأذاني وخد(ن)يعجب العيني

لحيانها كأنها جنبية اليامي

بنت اوضح(ن)تعرفه كل البداويني

تجي له الباديه في كل الاعوامي

ماسقت فيه الألوف ولا ملاييني

من عند قرمن على الطولات مقدامي

ابو مشاري سعد ريف المساكيني

نفحات جود الذيابي تروي الضامي

من ربعتن فعلها مبطي وهالحيني

فالجاهليه وفي تاريخ الاسلامي

عراف عيات عسرين(ن) وسهلين(ن)

صح لساانك ابو زبن البراق

وما جزاء الاحسان الا الاحسان

وسعدالنقيز الذيابي كساب جميل ويستاهل

تحيتي

صح لسانكـ

طيبه ومن وجها طيب

وآخر شطر من الابيات فيه غلط مطبعي

صح ألساااانكـ يابو زبن

نور منتدى الهيلآ

تستااهل الطيبه وأنت راعيهاا


خرع الأذاني وخد(ن)يعجب العيني

لحيانها كأنها جنبية اليامي

تعديل بسيط ,,


خرع الأذاني وخدٍ يعجب العيني

ألحيها كأنها جنبية اليامي


لك كل التقدير ..

صح بدنك ياحمود العصيمي

فيصل مطر صح بدنك واشكرك على التنبيه تعديلها

فالجاهليه وفي تاريخ الاسلامي

عراف عيات عسرين(ن) وسهليني


طلال ناشي صح بدنك

لحيانها كأنها جنبية اليامي
صخ لسانك يالبراق وتستاهل الهدية ويستاهل الذيابي المدح