الطارف يحتزم
الشاعر بدر الهاجري05-Jan-2013, 10:16 PM
السلام عليكم ورحمة الله وبركاته
المعذره على الغياب والطارف يحتزم
ياسلام الله سلام اسلام والنيه مطيه= والمعاني مثل ضرب السيف قصاص العضامي
ودنا في شاعرن يعرف ويدري بالقضيه= والقضيه مانسوها اصحابنا والعلم حامي
فهد بن جميل العتيبي05-Jan-2013, 11:29 PM
مرحبا يا مرحبا حييت ياذيب الرعيه = والسوالف ياخبير القاف يحكمها النظامي
اقلط اقلط واحتزم والنار يا لمرار حيه = وأنتبه سيفك يطيح ويطرحك راس السنامي
فهد بن جميل العتيبي05-Jan-2013, 11:30 PM
وعليكم السلام
أنت قريب يابدر
خالد الزيد المكودر05-Jan-2013, 11:30 PM
السلام عليكم ورحمة الله وبركاته
المعذره على الغياب والطارف يحتزم
ياسلام الله سلام اسلام والنيه مطيه= والمعاني مثل ضرب السيف قصاص العضامي
ودنا في شاعرن يعرف ويدري بالقضيه= والقضيه مانسوها اصحابنا والعلم حامي
مرحبا بك في مكان الطيب و اصحاب الحميه= صح لها يا بدر و اوردها مواريد الحيامي
جاك شاعر له مواقيفه و نوهاته قويه= و القضيه في يد القاضي مشت حسب النظامي
هداي الفهيدي05-Jan-2013, 11:31 PM
مرحبا في مرحبا بنسل زبون الونيه والمعاني مثل برقن في الجنوب وفالشوامي
اتبع اسهيل الرقيب وحطه ابصدر المطية تارد العد الروي يالهاجري لاصرت ضامي
خالد الزيد المكودر05-Jan-2013, 11:48 PM
المعذره يا فهد بن جميل العتيبي
ما شفت مشاركتك الا بعد تنزيل ردي
اعتبر ردي مهوب موجود
و كان الهاجري حولك تابع معه و انا بصفك
الشاعر بدر الهاجري06-Jan-2013, 05:36 PM
البقاء ياللي ترحب مير انا ما ابغا وصيه = اعرف ادروبن طويله والسراعه في حزامي
يافهد صاحبك له مقصد وله غايه ونيه= الفضيحه باقيه لو مات ياهيه الحرامي
فهد بن جميل العتيبي06-Jan-2013, 08:21 PM
أنت سريت الجيوش الحمت هجمة عالميه = مير لا تنككس وتصبح هرجة بين العوامي
ودنا نرضيك لكن شفتها في المهميه = يا الدليلة لا يضيع الوصف وتفك الخطامي
