البنت للروقه

السهر طال السهر والنوم مااذوقه
من بعد صار اللقاءوروح ولا جاني
ماعاد اقوى الصبر ماعادلي طوقه
ولاعاد تسمع كلام فلان وفلاني
وياماحلى هرجته ويازين منطوقه
وياليت مافيه زعل ليته ماينساني
لك صاحبن وافين مايعرف البوقه
صاحبك مسلم ترى ماهوب نصراني
الارض تحت السماء والرب من فوقه
يلي جرحني لبسلي ثوب قوماني
كن الخشم سلتن والسيف من فوقه
ياسقم حالي بعد روح ولا جاني
الريق ريقه عسل وياليتني اذوقه
والفم في وصفه خاتم سليمانــــي
فيها جمال العرب والبنت للروقــــــه
والا انها من عصيم والخال شيبانـي
يازينها اوصــــافها ماهيب مسروقه
الله وهبها الجمال جمــــال ربانــــي
الجسم صابه تعب وجفني كفا موقه
والكــبد معلولتن والسبــه فلانــــي
ياقلب ياقلبي اللي زادت خروقـــــه
اصبر ياجعل الفرج للصبر عنوانــــي


أبو هوازن الأسعدي