« آخـــر الـــمـــشـــاركــــات »
:: أبوي (آخر رد :ياسر محمد العتيبي) :: قصيدة (آخر رد :ابو طارق الشمري) :: قصة محري بن قطران مع خدام المرحوم الملك عبدالعزيز القصه الحقيقيه (آخر رد :الفانتوم) :: قبيلة المحاقنة (آخر رد :متعب الوحيدب) :: قبيلة المحاقنة (آخر رد :متعب الوحيدب) :: رواية معركة إشريفة التاريخية بين قبيلة بني رشيد وعنزة (آخر رد :حفيد رشيد) :: رحلة الألم (آخر رد :ياسر محمد العتيبي) :: سهيله (آخر رد :ياسر محمد العتيبي) :: المواهب من الله (آخر رد :ياسر محمد العتيبي) :: راحتي (آخر رد :ياسر محمد العتيبي)

الغربة

عبدالمجيدالشمري11-Aug-2006, 12:38 AM

الغربة

داري بعيده ومسكني وسط الاغراب وعــزي لمن مثلي طـــوته الخلاوي

حزات انادي غربتي وسـط الاسراب وحـــزات أجامل جورها بالحراوي

أســــــامر القمـــرا بعبرات وعـتاب جـرحي عمـيق مــادرى به مداوي

وحدتني الغربه على ندب الاصحاب أرضي خــلا مادوجــت بـه بـداوي

عشــنا وذقنـــا مبكياتن بــالاهــداب ذعـــذاع نفاض الــهوى بالحداوي

طاوي زمـن هجـر الاحبـه والاقراب دارن عــقيمه ماســكن بـه جلاوي

أســـكن بــها لـوهي ملاذن للأغراب صــالت علي معــاندات الخـطاوي

عـــزاه ياجــرح مــن العــام مـاطاب ربعي هــل البيــداء وكل الـعزاوي

واللي حداه من الزمن فــوق كراب شــالو حمولــن مـايشيله فــداوي

تربعوا وسـط الجفن فـوق الاجناب عـيال السيافــا مبعدين الهقـــاوي

سم العداء نار الوغا طنب الاشذاب ريف الزمن اللي من الوسم خاوي

عبدالمجيد الشمري

15- 10- 1426هـ

العارف11-Aug-2006, 01:43 PM

صح لسانك ولاهنت وهذا تنسيق للقصيدة

الغربة

داري بعيده ومسكني وسط الاغراب = وعــزي لمن مثلي طـــوته الخلاوي

حزات انادي غربتي وسـط الاسراب = وحـــزات أجامل جورها بالحراوي

أســــــامر القمـــرا بعبرات وعـتاب = جـرحي عمـيق مــادرى به مداوي

وحدتني الغربه على ندب الاصحاب = أرضي خــلا مادوجــت بـه بـداوي

عشــنا وذقنـــا مبكياتن بــالاهــداب = ذعـــذاع نفاض الــهوى بالحداوي

طاوي زمـن هجـر الاحبـه والاقراب = دارن عــقيمه ماســكن بـه جلاوي

أســـكن بــها لـوهي ملاذن للأغراب = صــالت علي معــاندات الخـطاوي

عـــزاه ياجــرح مــن العــام مـاطاب = ربعي هــل البيــداء وكل الـعزاوي

واللي حداه من الزمن فــوق كراب = شــالو حمولــن مـايشيله فــداوي

تربعوا وسـط الجفن فـوق الاجناب = عـيال السيافــا مبعدين الهقـــاوي

سم العداء نار الوغا طنب الاشذاب = ريف الزمن اللي من الوسم خاوي
عبدالمجيد الشمري

15- 10- 1426هـ

ولك تقديري

أخوك العارف

يوسف عبيد11-Aug-2006, 02:22 PM

صح لسانك اخي عبد المجيد
على القصيدة الرائعه

سهم العضيان11-Aug-2006, 04:10 PM

صح السانك
وتقبل التحيه

عبدالمجيدالشمري12-Aug-2006, 07:34 PM

هلا باخوي العارف اشكر لك المرور ومساعدتي بتنسيق النص والله يحفظك ويرعاك

عبدالمجيدالشمري12-Aug-2006, 07:35 PM

ياهلا ويامسهلا باخوي يوسف العبيد اشكر لك المرور والله لايهينك

عبدالمجيدالشمري12-Aug-2006, 07:36 PM

مرحبا باخوي سهم العضيان وعشت على لمرور والله لايهينك يابعدي

ابـن نـعـيـس14-Aug-2006, 04:49 PM

صح لسانك

بيض الله وجهك

لاهنت

تحيااااااااااااااااااااااااااااتي

عبدالمجيدالشمري15-Aug-2006, 12:57 AM

ابن نعيس ( سعيد ومحظوظ بنفس الوقت بحظورك رفع الله قدرك وعشت حرا مع الاحرار ) .

مطر15-Aug-2006, 12:26 PM

صح لسانك ياشمري

والله يبعد عنك الغربه ولااحزان

عبدالمجيدالشمري19-Aug-2006, 01:22 PM

مطر انا سعيد بمرورك والله لايهينك

مؤمن19-Aug-2006, 06:23 PM

اخوي عبد المجيد الشمري

صح لسانك على القصيدة الرائعه

لاهنت والله يعطيك العافية

عبدالمجيدالشمري20-Aug-2006, 12:30 AM

هلا والله يحييك اخوي اثلث شكرا على المرور وامنياتي لك بالتوفيق

سعد الشيباني24-Aug-2006, 03:27 AM

صح لسانك على القصيدة الرائعه

اخوي عبد المجيد الشمري

لاهنت يلغالي

اخوك سعد

عبدالمجيدالشمري27-Aug-2006, 12:10 AM

هلا وغلا باخوي سعد الشيباني الشكر كل الشكر لمرورك العذب متنمنيا لك التوفيق والحياة السعيدة والبعد عن الغربة مهما كانت ارضها .