((أبو نجر)) والمارد العذب القراح!!

ابو نجر تال الهجر لاهو شمال ولايمين
جاني وجيته ثم راح .. وكل حرف من أوله



نبي ندرجها ومنهجها على معنى سمين
للمارد العذب القراح .. وكل حرف من أوله

ابو نجر تال الهجر لاهو شمال ولايمين
جاني وجيته ثم راح .. وكل حرف من أوله



نبي ندرجها ومنهجها على معنى سمين
للمارد العذب القراح .. وكل حرف من أوله
صح لسانك يابعيد النظر ...
ونبقى في انتظار الشاعر ابو نجر ..
واصلوا ...
تحياتي

سلمت يامرزوق وصح بدنك يالغالي
حضور مثلك وشرواك له عالي المكانه في القلب
تقديري
ننتظر أبو نجر

يالله سترك

خلص من مقعد وجااني

الله يخاارجنا منك

واستلم لاهنت



ابو نجر ممشاه واضح مع دروب المسلمين=يمشي على درب الفلاح وكل حرف من اوله
جيب العلوم الطيّبه من بعدها امن العايدين=نبغى نعيّد بالصلاح وكل حرف امن اوله

هالله . هالله


عساك يانجر النفيعي تعرف السيف السنين
وتعرف تسديد الرماح .. وكل حرف من أوله




عز الله إني يانجر ماني غضيب الوالدين
ولا آعتزيت بلا سلاح .. وكل حرف من أوله

طيب طيب

:)


ماني نجر .. جبت الخطا فالاوله عهدك منين=دقق يا جعلك للرباح وكل علم امن اوله
عز الله انّا نعرفك جيم(ن) قبل تاتي بسين=منته بلال ابن الرباح وكل علم امن اوله

هالله .. هالله


اللي يدوّر له عذر لاقلت خشم يقول عين
ويصيح في وجه الصياح .. وكل حرف من أوله




اللي نسي مكه يبي ينسى بلاد الرافدين
الليل من بعده صباح .. وكل حرف من اوله

احسبك شاعر معتلي واحسبك ذو عقلن(ن) ذهين=واثرك تهرّب فالمراح وكل علم امن اوله
نعرف ديار المسلمين اللي اكسبت غزوة حنين=لو كان ما تعرف رماح وكل علم امن اوله


همتك يابعيد النظر

ترا ورااي شغل

طيب .. طيب

حسّب وكسّر في الحساب وكم واحد في ثنين
مادام حتى الزبد ساح .. وكل حرف من أوله



حبّتك في مكيال غيرك للرحاه أم الطحين
وآنته حياتك في كفاح .. وكل حرف من أوله

طيب طيب



ترا الجبل راسي ولا همّه نطوح ام القرين=وانته على هويت مطاح وكل حرف من اوله
وحبّتك عندي ماسحه من قو ضربات اليدين=واسقيك من سن(ن) ذحاح وكل حرف امن اوله


بعيد النظر

صح السااانك

وسعدت باللعب معك

وانا هالحين مشغووول وطالع

والجايا اكثر ولاهنت

آنته تقوله مير يابو نجر ماسددت دين
والكحل زينه للملاح .. وكل حرف من أوله



عز الله إن الغصن مثمر مير عيا لايحين
ما أحد مقلدك الوشاح ..وكل حرف من أوله

صح السانك يابعيد النظر

ولاهنت

الليل
الليل
صح
اللسانك
يابعيد النظر
وانا في صفك
ولايهون أبونجر
الشاعر المبدع

بارك الله فيكم جميع
وصح لساااااااااااااااانك يابو نجر وآآآسف أشغلتك يالغالي
وسلمت يامقعد على حضورك الجميل الذي أضفى على المتصفح نكهه غير

تقديري للجميع

يعطيكم العافيه
على هالعب الطيب
لاهنتم يالنشامى