نايف

النور عم البيت بوجود نايف = ورعن على الدنيا طلع توه صغير
همسه لطيف وكل وقته طرايف = الي وجوده نور البيت تنوير
يامرحبابه عدماهب طايف= وعداد ماينشي السحاب المزابير
وعدادماتكتب وتنشر صحايف = وعداد ماهب الهواء صبح وعصير
الوضع قدمك مثل مانته بشايف =دنيا تقلب بامر والي المقادير
وان صرت للمعبود طايع وخايف =حلمي تحقق كان للحلم تفسير
لاحافني من حنشل الهم حايف =كنه يقول الله يمسيك بالخير
عساك بكره ترتكي للكلايف =وتجلس مكاني ياصبي المناعير
والله لا يفرق قلوبن ولايف = لاتستمع هرج عذال ومشير

..
.
مرحبا يابو عبد الله
نسأل الله ان يقر عينك بنايف
وترزق بره ..
..
ابيات ابويه غاليه ومعبره صح لسانك.
والله يحييك في منتداك وبين عيال عمك
....

الله الله



ابداع غير مستغرب

صح لسانك

والله يحييك يابوعبدالله


بين اخوانك وبني عمك


وفي محـــــــــــــلك

صح لساااااااااااااننك
يامحمد
والله يخلي لك نايف
--------------
ونسال الله له الصلاح
------------------------

سلمت يابو محمد وتقبل الله دعواتك الصادقه وصح بدنك ولاعليك زود وهذا قليل من دعمكم المتواصل وتشجيعنا والله يرعاكم