نمر بن صنت الحافى

خطو الولد سود ثيابه من العيب
مافيه من درب الرجاجيل خصله
مشتاله المدحور بالكبر والريب
قام يتزين له بليس ورقصــــــله
ترى كثير النبح مايحرم الذيب
يملا بطانه والكلاب تحرصــــله
وظل العدو لو تضربه بالمشاعيب
يضحك ومشعابك ثلاثين وصله
لي صار ضدك يحتمل للمواجيب
عطه الوقار ولاتنشد عن أصله
لاتستمع للي علومه رباريب
ليا جا لزومه كنه الفاس نصله

:p

خطو الولد سود ثيابه من العيب=مافيه من درب الرجاجيل خصله
مشتاله المدحور بالكبر والريب=قام يتزين له بليس ورقصــــــله
ترى كثير النبح مايحرم الذيب=يملا بطانه والكلاب تحرصــــله
وظل العدو لو تضربه بالمشاعيب=يضحك ومشعابك ثلاثين وصله
لي صار ضدك يحتمل للمواجيب=عطه الوقار ولاتنشد عن أصله
لاتستمع للي علومه رباريب=ليا جا لزومه كنه الفاس نصله



رائعه جدا نمر شاعر المواقف الصعبه

صح لسان الشاعر العلم نمر بن صنت

صح لسان الشاعر / نمر بن صنت


شاعر علم من اعلام الشعر


ولاهنت يالغالي على الانتقاء الرائع


تحيتي
..

صح لساااااااااانه