خيبت ظني فيك من بدة الناس

[صورة غير متوفرة]



[صورة غير متوفرة]


هذي قصيده لي وهي اول قصيده اشارك فيها

معكم واتمنى ان تنال اعجابكم

وياليت اشوف ارائكم وانتقاداتكم وملاحظاتكم

بدون مجامله وانا ماراح ازعل :D

ان شاء الله





يلعن ابوها عشرة مالها ساس
وملعون ابو عشرة قصيرٍ مداها

الصاحب اللي صارللسم دساس
خلاص بانت عشرته وش وراها

اليا بغاله حاجةًٍ جاك محتاس
وليا زعل كل الجمايل نساها

خيبت ظني فيك من بدة الناس
لا والله الا ثورت في خباها

كنت احسبنك صادقاً وانت بلاس
وما دام هذا طيبها وش رداها

بعز نفسي عنك رح واقطع الياس
لاتعتذر عشرتك والله مباها

معاد لك بين الرياجيل مجلاس
دور على اشكالك وخلك معاها

من كان مثلك بين الاقدام ينداس
وصحبتك والله ماتحسف علاها

بدور اللي عشرتة ترفع الراس
ذيباً ليا من قال كلمه حماها




وتقبلوا تقديري واحترامي

اخوكم

عمر سعود العتيبي

..
الله الله .. صح لسانك ..
قصيده جزله من راس جزل ..


..

وبيض الله وجهك ..


..

.


اخوـوـوـوـوـك..
.

هذي قصيده لي وهي اول قصيده اشارك فيها

معكم واتمنى ان تنال اعجابكم

وياليت اشوف ارائكم وانتقاداتكم وملاحظاتكم

بدون مجامله وانا ماراح ازعل

ان شاء الله

ما حنا مجاملين معك

قصيدة كاملة والكامل وجه الله

صح لسانك

تحياتي

...
.

قصيده رائعه بحق..
صح لسانك ... والله يحييك يابو سعود ...
...

اخوي ابو نجر النفيعي

صح بدنك ووجهك ابيض

ومشكور على المرور

اخوي النايع

نورتنا بمرورك يالغالي

ويعطيك العافيه

اخوي مرزوق العتيبي

صح بدنك والله يبقيك ويسلمك

والاروع مرورك وطلتك المشرقه