مبروك يا سارح البال

تستاهل الترقيه يا سارح البال=مبروك يا صاحبي في اول وتالي
عز الله انك لها يا طيب الفال=تقبل التهنيه مع شرب حالي

صح لسانك يابو بندر ..
..
والف مبروك لسارح البال .. وبانتظارك :)

صح بدنك با بو مشعاب
وشكرا لمرورك

الشكر لله على زينات الاحوال=اللي رزقني وزيّن في حوالي
والشكر لك صار يتردد وينقال=مدام باركت بالطرق الخيالي

طاروق غير ..

ابو بندر .. صح لسانك يارائع ..


معجب ..
صح لسانك .. يامبدع ..

يامعجب اوجوب نبديها با الاقوال=انشارك افراحكم يا بن الحلالي
عداد ما بيني وبينك من اميال=اشموع الافراح نشعلها اشتعالي

لله صح السنتكم جميعا ابيات رائعه من شعار رائعين

ومره اخرى نوصل التهنئة لخونا سارح البال يستاهل والله



وتقبلوا تحياتي

تستاهل الترقيه يا سارح البـال
مبروك يا صاحبي في اول وتالي
..
الله الله يابو بندر
صح لسانك ويستاهل ابو سلطان ولاعليك زود ياغالي
.....
واصلوا ...

ان كان بالمنتدى والا بالارسال=الله يبارك لنا في كل غالي
المنتدى ياعميلي كله ابطال=نبا المنافس يشعلل بالليالي

مازال فتل الشعر والنقظ ما زال=له مع هل العرف يا الصاحب مجالي
حتى نقوشه على جدران الاطلال=من عهد عنتر وبو زيد الهلا لي

الشعر نقض وفتل وابداع وامال=يحوزها فالزمن قرم العيالي
اللي نقش فالحصى زينات الامثال=ماهو مثل من على المويه يلالي

الشعر صهوة حصان ورمح خيال=وعنان مهره بيد فارس مثالي
والشعر بحر الظلام وليل الاهوال=ياكم غرق فيه من بابور غالي