واعذابي كل مالديت عيني يم جده.....؟

السلام عليكم ورحمة الله وبركاته...



اقدم لكم هذه القصيده واتمنى ان تنال على اعجابكم






واعذابي كل مالديت عيني يم جده=ثم ذكرت الي رحل عني واخذ فكري معاه
راح عني والنظر يمي بعد روح يلده=وده يوادع ولاكن قامت الدنيا علاه
راح عني والهموم الله يمنا جات بعده=والآماني يوم روح راحت تسابق خطاه
حلم مدري علم مدري هي جروحن مستجده=بس الاكيد ان جرحي ماعرفنا وش دواه
ياوجودي لاذكرته وابتداء همي بشده=وجد منهو عاش فالدنيا على غير اتجاه
كل ماجرب حظوظه لاحظ الايام ضده=ماتهنى فالحياه ولاتحقق مبتغاه
كل مايبني طموحه واقع الايام هده=لين صار الهم والهوجاس غيمه في سماه
وده يحقق مراده لاكن الدنيا ترده=للهموم الكايده والوقت مايلحق مداه
عاند ضروف الليالي لين حالت دون وده=وانثنى للهم والغربال وجروح الحياه
يسهر الليل الطويل ودمع عينه فوق خده= بين هم وبين غم وبين شيٍ مايباه
وياوجودي لاذكرت ان الزمن قد باح سده=وجد من طوح فبحر ولامعه طوق النجاه
يشر بيده ولاكن منهو الي شاف يده=ويرفع الصوت الجهور ولا حدن جاوب نداه
عالقله فخشبه يمكن تحطم بعد مده=والرياح تشوته من كل صوبٍ وأتجاه
مايشوف الا السماء والموج هايج من يرده=والبحر متكانفه والموت الاحمر من وراه
وياعذابي كل لديت عيني يم جده=ثم ذكرت الي رحل عني واخذ فكري معاه

صح لسانك وقصيده جزله يالجزل...

بيض الله وجهك..

صح لسانك وقصيدة

جات على هواي انا ساكن جده

مشكور وماقصرت

صح لصاااااااااااااااانك

يالشااااااااااااااااااااااااااااااعر

مشكووووووووووور يالغالي وصح السانك

صح لسانك وقصيده جزله يالجزل...

بيض الله وجهك..

مليون صح اللسانك ياخوي ابراهيم


على القصيدة الرائعة


وتقبل تحياتي

الله يعطيكم العااااااافيه ردودكم دافع للامام