ربعي الهيلا للشاعر خالد العتيبي

السلام عليكم ورحمة الله وبركاته


عن طريق الصدفه شفت هذا الموضوع

وحبيت انقله لكم وانا والله ما اعرف الشاعر

ولا ادري ان كان مشارك معنا بالمنتدى ولا

والي اقوله صح الله السانك ياخالد وبيض الله وجهك

.....................................

[صورة غير متوفرة]

:
:
:

ياطير ياللي من الطيور المشاهير .......... متعزم(ن) ياطير وين أنت زامي

ياطير منت من الطيور المخامير .......... شيهان شلوى يوم للصيد حامي

خذلي سلام(ن) للرجال المناعير .......... خذلي معك ياطير جملة سلامي

سلّم على اللي مخضبين المظاهير .......... ربعي الهيلا خصّهم بالسلامي

بيوت(ن) تقافى مدوبلات المكاسير .......... وحذّراك تقصر عن رفيع المقامي

أوصل سلامي والثنا فيك ياطير .......... من عقب حثّك بالنبا يالغلامي

من عقب مايدني دلال(ن) معامير .......... و أفرد لها من جمرة النار حامي

ونجر(ن) ضبوح للنشاما المسايير .......... ولقامها بن(ن) سقوم الكرامي

غرنوقة(ن) صفراء لها البن تقدير .......... لك دلة(ن) هيلها على البن سامي

والبكره اللي من البكار المغاتير .......... يودع كتوفه فوقهن والسنامي

ذولا مواريد(ن) وذولا مصادير .......... وخصيمنا يوم الملاقى يضامي

من عقبها ياطير للظرف تفسير .......... اليوم جاني من رفيقي وسامي


:
:
:

للشاعر خالد العتيبي

تحياتي للجميع

صح لسان شاعر الرسول ..


قصيدة رائعة..

لاهنت يالذيب...

صح لســان الشــاعر خــالد ..

مشكور ع القصيده

للموت هيبه والعز لعتيبه

صح لسانك ولسان الشاعر








تحيتي ......