يالله عفوك

بسم الله الرحمن الرحيم
،؛،.. يالله عفوك ..،؛،
الشاعر/ محمد بن فطيس المري

يــــــالله عفوك يوم تصفية الحســـــاب
يــوم حصاد لمــا زرعنا في السنين
يوم الحشر قــــرب ولا معنا زهــــــاب
اليوم في الدنيا وبكـــرة راحليـــــــن
نجمع ذنوب ونرتجي عفـــو وثـــــواب
وعلى نصر ربي لنـــا مستعجليــــن
تدرون ليــــه آمالنا مثــــل الســــــراب
تدرون ليه النصر سيـــف الأولييــن
الأولييــن أعمالهــم وفــــق الكتــــــاب
قاموا عليه وباعوا الدنيــا بديـــــــن
وحنـــا غفلنا بيــــن مالــــذ وطـــــــاب
والنصر سيف ما يسله غافليــــــــن
نصبح على شوف انتهاكات وخــــراب
ونمسي على دمع وتنهــات وونيـــن
بصدورنا شي تذوب الــــه الهضــــاب
وأفعالنا والواقع ريـاح .. وطحيـــــن
وعلى العيون من الفتن مثل الضبـــاب
ماعاد ندري من يسار ومن يميـــــــن
ما للضعيف الا الدعا لو ما يجــــــــاب
ما غيره الا الشوف مكتوف اليديــــن
يالله زلزل تحت الأعــــــداء التـــــراب
والطف بنـا واحقن دماء المسلميــــن
ندعيك يا قادر على جعــل السحـــــاب
جيش لنصـــــرة قـلــة مستضعفيـــــن
أغرقهم بنوع من أنــــواع العقـــــــاب
غرق الغلام اللي يحسب انه فطيــــــن
لوما عصى نوح نجا به في رحــــــاب
سفينته وأمضى معه في العمر حيــن
لكنه اختار الخســـــــاره والذهـــــــاب
اصنع بهم صنعك به وانت المتيـــــــن
والا اخذهم يا مجري سود الحقــــــاب
أخذ العجوز اللي بقت في الغابريـــــن
ذوقهــــم اللهـــــم أنــــواع العــــــذاب
اللي عثوا في أرضك أمن المفسديــــن
وألطف بمن لبسوا من التقوى ثيـــاب
عبــــــــــادك المستهدفيـــن المتقيــــن
تكالبـــت عليهــــــم أنيــــاب الذئــــاب
ولا غير عونك يا معيــن الصابريــــن
من بينهم شيبـــــه يعجزون الشبـــاب
من وقفته من طولهـــا في الركعتيــــن
ومن بينهم عذراء تون بـــلا حجـــاب
أحجابها لفوا به الجــــــــرح المكيـــــن
تصيح ماهـــو من الـــم ولا صــــواب
تبغى الحجاب الي خذوة المسعفيــــــن
وطفل عن عيون أمه الثنتين غـــــاب
تبكيه عيـــــــن وتلتفت لأخيـــه عيـــن
من هول ما يجري لهم شاب الغـــراب
يـــا وسع حلمك وانت ما فوقك مديـــن
أدعيك وانت ادرى بحال أهل المصاب
وأمـــــــد كفي لك يا أكرم الأكـــرميــــن

صح لسانه...


ولاهنت على النقل...

][`~*¤!||!¤*~`][بارك الله بك , شكراً أخي الكريم][`~*¤!||!¤*~`][