قصيده حلوووه للمبدع الامير طلال الرشيد-الله يرحمه-*عنود الصيد*

هذي قصيده للشاعر الملتاع طلال الرشيد ( الله يرحمه ) تم نشرها في اخر عدد لمجلة فواصل .. اتمنى انها تنال اعجابكم


بيني وبينك عرفت الموت
تحب والحظ متجني...
تبي الصدق حبها منحوت
واصبحت منها وهي مني...
افرش لها القلب بالياقوت
واقول يا دلي اتمني...
صدري قصور ومدن وبيوت
وهي المليك اللي يحكمني...
ياويل ويلي عليها صوت
تحكي تقل كنها اتغني...
وسكوتها غير كل سكوت
كل شي فيها يكلمني...
قد شفت شمس ازرعوها توت
بشفاتها التوت متثني...
يا حلوها والقلم مبهوت
وش يكتب بوصفها عني...
هي دنيتي والهوى والقوت
وان غبت عن وجهها كني...
متغرب وغربتي تابوت
ميت وانا حي مستني...
قولو لها لو يفوت الفوت
هو ينفع الصوت متعني؟...
وقولو لها والله الا اموت
لو خاب في حبها ظني...




الله يرحمك ابا نــواف

الله يرحم الأمير طلال الرشيد ومشكووور الغالي لبرنس

الله ..

الابداع على اسسه وأصوله
الفذشكر لك يالغالي

محبك
.

الله...


قصيدة رائعة..


صح لسانه..


والله يرحمه..

رحمة الله على طلال الرشيد

رائعة من روائعه على رحمت الله




مشكور ياخوي على القصيده الرائعة


وتقبل تحياتي

الله يغفر له ويرحمه

الامير الشاعر طلال الرشيد كان من اطيب الناس كان يحمل كل الصفاة النبيله

الله يرحمه ويغفرله ذنوبه ويرحم امواتنا واموات المسلمين اللهم امين يا رب العالمين

الف شكر على المشاركه الطيبه يا لبرنس

تحياتي لك

الله يرحمه ولاهنت ياطيب