،،،الله أكبر حبيبي ،،،

الله أكبر حبيبي غيروه الوشاه=صدّق أهل الوشايه فيّ والحاسدين

مايرد السلام..ان قلت له وش بلاه؟=صد عني ثم أقفى والزعل به يبين

حار فكري وقلت الله ماكبر خطاه!!=دون ذنبٍ جنيته ليه ظنه يشين؟

أرسل الخط يمه..يحرقه ما قراه=حسبي الله عليه شلون بي يستهين

ليته أمعن وفكر قبل ينوي جفاه=وليته اللي نشدني وأخبره باليقين

المصيبه حبيبي عارفٍ في غلاه=الله انه يلومه فرّح الشامتين

كيف ينسى هوايه كيف ينسى هواه=كيف ينسى العهد هو والوفا واليمين

كيف يا صاحبي صاحبك هذا جزاه=حافظٍ كل الاسرار بقرارٍ مكين

مخلصٍ للمحبه ما بخل في عطاه=موفيٍ في عهوده لو تطول السنين

يالله أطلبك ياربي حبيبي تهداه=ويا عسى قلبه القاسي يحن ويلين

المعتصم بالله
غاب ليحضر لنا هذه الدره الرائعه

صح لسانك مدد ياشاعرنا المخضرم
والف شكر لك على هذه الغنيمه

انا من متابعينك

ننتظر جديدك

محبك
,

عبدالله الجذع

تسلم طال عمرك ومرورك دائم يزيد أخوك شرف

احترامي وتقديري يا الغالي

الله عليك يالمعتصم.

صح لسانك ملايين على هذي الرائعة.

نترقب جديدكـ.

مبدع ورائع جدا صح لسانك وعسا الله يهدي حبيبك قل امين

صح السانك
على هالجزله الي ماتجي الا من جزل

..

الله الله

صح لسانك يالمعتصم بالله ..

وفي انتظار جديدك ..

:)

أخوك