يوم القعد طرحه الشيوخ بين مطير والروقه

يوم القعد طرحه الشيوخ بين مطير والروقه والروقه على الرباعين وعلى الرباعين نايف العضب و كان سيف الضان يهوش عن الروقه ولحقت مطير على متعب بن جبرين وكان سيف متلغثم و لحقه متعب يحسبنه ضيف الله الاكوخ بن محيا قال ياكويخ قال انا سيف الضان مانيب كويخ قال واللعنه خيال البويضا متعب وهو يلحقه وسيف يستطردله لين وصل خيل الروقه واسند متعب راجع لخيل مطير وسيف يردها عليه ويلحقه يوم اقبل على خيل امطير وهو يمته بالشلفا فضربته قفو من فوق الدسمال لهو على راسه وسيف يسند راجع على فرسه مامعه رمح قالو عطو سيف رمح فعطاه نايف بن ربيعان العضب رمح وهو ياخذه لهي لاحقه بحجيلان بن جبرين يقول حجيلان خيال البويضا حجيلان تحسبني ابن نويم اللي طرحته العام وكان ابن نويمي قد طعنه سيف في معركه سابقه وهو يلحقه وسيف يستطردله مثل اخوة لين وصل الروقه وحجيلان يسند راجع لخيل مطير وسيف يسندها عليه ويلحقه لين وصل خيل مطير يزرقه بالرمح لهو على وجهه ويقومون مطير يهوشون عنه وهو طايح بينهم وانفكت الخيل بسبب طرحه الشيوخ متعب وحجيلان
للتأكد من الموضوع لك عزيزي القاري ان تسأل
الشيخ فيحان بن ناصر بن جعيلان
الشيخ فيحان بن تركي بن ربيعان
الشيخ عبدالله بن عمر بن ربيعان


وهو اليوم اللي قطعو مطير هزاع بن عياد اخو جعيلان وكان اللي يهوش جعيلان بن عياد عن خيل الروقه من يوم اصبح لين امسى الليل هو وبنيخيه سيف الضان والغفيلي الضان وكان الغفيلي الضان كل ماطرح خيال قال على عيونك ياخالي من غلاء خاله

ونعم والله بربعنا الحفاه ونعم

ولا يهونون الروقه

كفووووووووووووو الاد روووووووق

هم هل العلم الغانم والعلم الي ينومس عوايدهم

مشكوووووووووووور ياكفو

كفو بالاد روق عوايدهم

لاهنت يا كفو

فيه سؤال :

يعني متعب بن جبرين و حجيلان بن جبرين قتلوا ؟

متعب وحجيلان لم يقتلو ولاكنها اصابات قويه وتسمى في المعارك طرحه يعني لايستطيع الفارس مواصله القتال