19-Nov-2008, 07:36 AM
السلام عليكم ورحمة الله وبركاته
تحية طيبة للجميع وأخص بها شبابه ( قبيلة عتيبه و قبيلة حرب )
هذه قصيدة مدح في قبيلة ( حــرب ) حرابة الدول
وهي للشاعر الكبير ( سعد بن عماش بن خرصان الحافي العتيبي ) رحمه الله
البارح أمسى ضميري فيه ولوالـي = والعين ما ذاق غمض النوم حاجبها
ذكرت دار الوفاء والمذهب الغالـي = دار عسى السيل يسقيها ويصحبهـا
يا راكب اللي ليا روح مع اللالـي = أسبق من الريـح يـوم الله يهببهـا
هاف جديد اخيـار الـوارد التالـي = من شركة فورد تو جت به مراكبها
يقوم من حايلٍ و الفـي مـا زالـي = وعصير طب المدينة واستراح بهـا
سير مع السوق وارفع صوتك العالي = وسلم على حرب حاضرها وغايبها
تلقى رجال الوفاء والمذهب العالـي = وتلقى الغلا عند جاهلهـا وشايبهـا
خمسة عشر عام وأنا جوفهم سالـي = الربعة اللـي اتدلـه مـن يقاربهـا
عليهم الِبيض تكسي حتى الأقذالـي = العزوة اللـي عزيـزات مذاهبهـا
من جيت منهـم يرحبـي وحيالـي = وإن جيت في قالتن راسي يطول بها
والعلم الآخر إليا حِرّج على التالـي = دون الركايب إليا زلـت عجايبهـا
كم دار قوم ولوه بحرب الأبطالـي = يصبح به البوم والثعلـب يجاوبهـا
كم شيخ قوم طووبه نايف الجالـي = على النقا والعرب من دون واجبهـا
وهذه القصيدة رد من الشاعر عليان مطلق المحمدي الحربي وهو من سكان المدينة المنورة
على قصيدة الشاعر سعد بن عماش بن خرصان الحافي العتيبي في قبيلة حــرب
جاني جواب المعلم وانشرح بالـي = من يوم شفت البيوت اللـي مرتبهـا
يا مرحبا يا هلا بالخـط وإن جالـي = ومسـوي القيـل بأبياتـه وكاتبهـا
إن شفت مقبل عطيته وجه وإقبالـي = والنـاس ممـا توجبنـا نوجبـهـا
والأجنبي ليا سكن في الدار نزالـي = ديارنـا لـه و سيعـات جوانبهـا
ليا صار عاقل وعارف كل مجدالـي = يشرب من عدودها وصافي مشاربها
نفـداه بالحـال والأرواح والمالـي = ولازم نعزه كما اللحيـه وشاربهـا
وأنته عتيبي عريب الجـد والخالـي = تعرف سلوم العرب وأيضا مجربهـا
من ربعة في الملاقا تحتمي التالـي = يوم إن بعض العرب خلت ركايبهـا
فهود وأسود في غابـات الأشبالـي = ليا هاشت سباعكم ماحـدن بقاربهـا
وان جاء نهار يسمى هوش وقتالـي = حريبكـم غارتـه يشكـي عواقبهـا
مثل البحر لاصفق موجه على الجالي = العاليـة مـن مزابينـه يخربـهـا
وقم يا نديبي تولم واخـذ الأمثالـي = من فوق بنت الأصيل اللي معربهـا
عشرين في عدها من دق وجلالـي = أصايل جدودهـا تعـرف مجاذبهـا
تشدي قطاة حداهـا لاهـب اللالـي = تجفل ليا أومت عصاها عند راكبهـا
تلفي سعد في محلـه بـن ودلالـي = يفرح ليـا شافهـا تومـي جنايبهـا
حلحيل حلالها مـن كـل الإشكالـي = يحل الإشكال لو خصمـه يصعبهـا
عطه جواب سواة السكـر الحالـي = أمثـال وأبيـات راعيهـا مرتبهـا
معها سلام جديد وحسـن الاقبالـي = من حرب سكان طيبة عـز جانبهـا
هذه هي عوايد شبابه ( عتيبه و حرب )
الطيب والنخوة وحسن الجيرة
نتمنى أن نتحلى جميعاً بهذه الصفات والبعد كل البعد عن الفتن
ودمتم في حفظ الرحمن
والسلام عليكم ورحمة الله وبركاته
أخـوكـم / سـيـف الـنـيـر .
تحية طيبة للجميع وأخص بها شبابه ( قبيلة عتيبه و قبيلة حرب )
هذه قصيدة مدح في قبيلة ( حــرب ) حرابة الدول
وهي للشاعر الكبير ( سعد بن عماش بن خرصان الحافي العتيبي ) رحمه الله
البارح أمسى ضميري فيه ولوالـي = والعين ما ذاق غمض النوم حاجبها
ذكرت دار الوفاء والمذهب الغالـي = دار عسى السيل يسقيها ويصحبهـا
يا راكب اللي ليا روح مع اللالـي = أسبق من الريـح يـوم الله يهببهـا
هاف جديد اخيـار الـوارد التالـي = من شركة فورد تو جت به مراكبها
يقوم من حايلٍ و الفـي مـا زالـي = وعصير طب المدينة واستراح بهـا
سير مع السوق وارفع صوتك العالي = وسلم على حرب حاضرها وغايبها
تلقى رجال الوفاء والمذهب العالـي = وتلقى الغلا عند جاهلهـا وشايبهـا
خمسة عشر عام وأنا جوفهم سالـي = الربعة اللـي اتدلـه مـن يقاربهـا
عليهم الِبيض تكسي حتى الأقذالـي = العزوة اللـي عزيـزات مذاهبهـا
من جيت منهـم يرحبـي وحيالـي = وإن جيت في قالتن راسي يطول بها
والعلم الآخر إليا حِرّج على التالـي = دون الركايب إليا زلـت عجايبهـا
كم دار قوم ولوه بحرب الأبطالـي = يصبح به البوم والثعلـب يجاوبهـا
كم شيخ قوم طووبه نايف الجالـي = على النقا والعرب من دون واجبهـا
وهذه القصيدة رد من الشاعر عليان مطلق المحمدي الحربي وهو من سكان المدينة المنورة
على قصيدة الشاعر سعد بن عماش بن خرصان الحافي العتيبي في قبيلة حــرب
جاني جواب المعلم وانشرح بالـي = من يوم شفت البيوت اللـي مرتبهـا
يا مرحبا يا هلا بالخـط وإن جالـي = ومسـوي القيـل بأبياتـه وكاتبهـا
إن شفت مقبل عطيته وجه وإقبالـي = والنـاس ممـا توجبنـا نوجبـهـا
والأجنبي ليا سكن في الدار نزالـي = ديارنـا لـه و سيعـات جوانبهـا
ليا صار عاقل وعارف كل مجدالـي = يشرب من عدودها وصافي مشاربها
نفـداه بالحـال والأرواح والمالـي = ولازم نعزه كما اللحيـه وشاربهـا
وأنته عتيبي عريب الجـد والخالـي = تعرف سلوم العرب وأيضا مجربهـا
من ربعة في الملاقا تحتمي التالـي = يوم إن بعض العرب خلت ركايبهـا
فهود وأسود في غابـات الأشبالـي = ليا هاشت سباعكم ماحـدن بقاربهـا
وان جاء نهار يسمى هوش وقتالـي = حريبكـم غارتـه يشكـي عواقبهـا
مثل البحر لاصفق موجه على الجالي = العاليـة مـن مزابينـه يخربـهـا
وقم يا نديبي تولم واخـذ الأمثالـي = من فوق بنت الأصيل اللي معربهـا
عشرين في عدها من دق وجلالـي = أصايل جدودهـا تعـرف مجاذبهـا
تشدي قطاة حداهـا لاهـب اللالـي = تجفل ليا أومت عصاها عند راكبهـا
تلفي سعد في محلـه بـن ودلالـي = يفرح ليـا شافهـا تومـي جنايبهـا
حلحيل حلالها مـن كـل الإشكالـي = يحل الإشكال لو خصمـه يصعبهـا
عطه جواب سواة السكـر الحالـي = أمثـال وأبيـات راعيهـا مرتبهـا
معها سلام جديد وحسـن الاقبالـي = من حرب سكان طيبة عـز جانبهـا
هذه هي عوايد شبابه ( عتيبه و حرب )
الطيب والنخوة وحسن الجيرة
نتمنى أن نتحلى جميعاً بهذه الصفات والبعد كل البعد عن الفتن
ودمتم في حفظ الرحمن
والسلام عليكم ورحمة الله وبركاته
أخـوكـم / سـيـف الـنـيـر .
