05-Apr-2009, 08:46 PM
السلام عليكم ورحمة الله وبركاته
((لحون العود ))
قصيده جديده لها طابعها الخاص فيني انا فقط تعني لي الشي الكثير
اتمنى انها تنال على رضاكم وان تتقبلها ذائقتكم ولو بشي بسيط
اترككم معها
أطربيني يالحون العـود مـن فضلـك ثوانـي=خاطر المشتاق ضـاق وزادت الدنيـا ظنونـه
سمعيني صوت أبو نايف مـادام العمـر فانـي=ودي أدله عن غرابيـل الليالـي مـع لحونـه
وإن تجاهلتـي كلامـي لاتجينـي بالأغـانـي=خلي الخاطـر فحالـه لابـو الوقـت وفنونـه
ياسعود الراس خـاوي قـرب البـن اليمانـي=ماورى الدنيا سعـاده والزمـن ياشيـن لونـه
حالتـي مترديـه بالحيـل والواقـع عصانـي=والطموح الي رجيته راح وأقفى مـع ضعونـه
مابقى فالوقـت حلـم ولابقـى عنـدي آمانـي=غير هم(ن) ضايق الخفاق وأركى بـه طعونـه
آآه ياشيـن الخيانـه والتجـافـي والهـوانـي=في عيون الـي عيونـي ماتحـب الا عيونـه
آدمـي(ن) بالفـراق ولوعتـه حطـم كيـانـي=والغلا بالرخص باعه مانشدنـي عـن زبونـه
ماتوقعتـه بعـد كـل والوفـاء منـي نسانـي=لين شفت الصد والهجـران والنكـران دونـه
يوم شفته فـز قلبـي وأختلـف حتـى مكانـي=وأنهمل وبل الفراق المر مـن صـادق مزونـه
أذكر اني من همومي ماقـدر ينطـق لسانـي=غير جملة لعن أبو حيـك ورى قلبـي تخونـه
قلتهـا والـي بعدهـا مالهـا عنـدي معانـي=تمتمه فـي تمتمـه والصـدر زايدتـن غبونـه
العبايـر خانقـه والعشـر مـن بعـده ثمانـي=والليالـي جايـره والحـظ منحنيـه متـونـه
راح مثل الخيل لاعيـت علـى لبـس العنانـي=يوم صاح المنـذر الـي يطلـب الله والمعونـه
تطـوي البيـدا ويقفاهـا عريبيـن المجـانـي=والعرب ماتقبـل الميلـه ولاتـرض المهونـه
راح مقفي والحزن عـم الشـوارع والمبانـي=مابقى بيتن مطـرف ماشكـى ضلمـة ركونـه
كلها حطت مراسيـم العـزاء فـوق التهانـي=وأستدار الصمت فيها والضلام أطلـق شجونـه
راح والدنيـا بعـد فرقـاه مافيـهـا آمـانـي=ضج صوت الخوف فيها وأنكشف ستر المصونه
راح والمجنـون لابـده مـن جنونـه يعانـي=كيف لا وأغـلا محبينـه ورى قصـة جنونـه
شعر... ابراهيم الزراقي
((لحون العود ))
قصيده جديده لها طابعها الخاص فيني انا فقط تعني لي الشي الكثير
اتمنى انها تنال على رضاكم وان تتقبلها ذائقتكم ولو بشي بسيط
اترككم معها
أطربيني يالحون العـود مـن فضلـك ثوانـي=خاطر المشتاق ضـاق وزادت الدنيـا ظنونـه
سمعيني صوت أبو نايف مـادام العمـر فانـي=ودي أدله عن غرابيـل الليالـي مـع لحونـه
وإن تجاهلتـي كلامـي لاتجينـي بالأغـانـي=خلي الخاطـر فحالـه لابـو الوقـت وفنونـه
ياسعود الراس خـاوي قـرب البـن اليمانـي=ماورى الدنيا سعـاده والزمـن ياشيـن لونـه
حالتـي مترديـه بالحيـل والواقـع عصانـي=والطموح الي رجيته راح وأقفى مـع ضعونـه
مابقى فالوقـت حلـم ولابقـى عنـدي آمانـي=غير هم(ن) ضايق الخفاق وأركى بـه طعونـه
آآه ياشيـن الخيانـه والتجـافـي والهـوانـي=في عيون الـي عيونـي ماتحـب الا عيونـه
آدمـي(ن) بالفـراق ولوعتـه حطـم كيـانـي=والغلا بالرخص باعه مانشدنـي عـن زبونـه
ماتوقعتـه بعـد كـل والوفـاء منـي نسانـي=لين شفت الصد والهجـران والنكـران دونـه
يوم شفته فـز قلبـي وأختلـف حتـى مكانـي=وأنهمل وبل الفراق المر مـن صـادق مزونـه
أذكر اني من همومي ماقـدر ينطـق لسانـي=غير جملة لعن أبو حيـك ورى قلبـي تخونـه
قلتهـا والـي بعدهـا مالهـا عنـدي معانـي=تمتمه فـي تمتمـه والصـدر زايدتـن غبونـه
العبايـر خانقـه والعشـر مـن بعـده ثمانـي=والليالـي جايـره والحـظ منحنيـه متـونـه
راح مثل الخيل لاعيـت علـى لبـس العنانـي=يوم صاح المنـذر الـي يطلـب الله والمعونـه
تطـوي البيـدا ويقفاهـا عريبيـن المجـانـي=والعرب ماتقبـل الميلـه ولاتـرض المهونـه
راح مقفي والحزن عـم الشـوارع والمبانـي=مابقى بيتن مطـرف ماشكـى ضلمـة ركونـه
كلها حطت مراسيـم العـزاء فـوق التهانـي=وأستدار الصمت فيها والضلام أطلـق شجونـه
راح والدنيـا بعـد فرقـاه مافيـهـا آمـانـي=ضج صوت الخوف فيها وأنكشف ستر المصونه
راح والمجنـون لابـده مـن جنونـه يعانـي=كيف لا وأغـلا محبينـه ورى قصـة جنونـه
شعر... ابراهيم الزراقي
