•·.·°¯`·.·• ( صـــحصـــح يانيــــــــــم ) •·.·°¯`·.·•

الله يسعد مساءكم بالمسرات..
من حبي لكم و لهذا المكان واهله .. اقدم لكم هذه
المتواضعه ..... املاً ان تحوز على اليسير من اعجابكم..



الجو بارد والسماء كلها غيم =ونور القمر محجوب والليل حالك
صارن مغاتير الليالي مجاهيم = رحماك يامعبود جلاّ جلالك
الهم ياكثره ويا ما اكثر الضيم = ضاقت على الحيران كل المسالك
قامت تلاشا بالزحول الملازيم = كم واحد ٍ في كلمته ماوفالك
ياللي تقول الهم في قلبك امقيم = اقول ما انت بهالمشاكل لحالك
غيرك وغيرك فيه ناس ٍ مظاليم = معروف هذا شي حطّه ببالك
اصبر على ماجاك واعمل بتصميم = وعن الطويله لاتقصّر احبالك
ان كنت نايم يكفي النوم يانيم = صحصح عسى الخلاق يلطف بحالك
معروف هالدنيا حظوظ ومقاسيم = وعلى سوى الله لاتحط اتكالك
تاخذ نصيبك والعمل بالخواتيم = واللي يحسدك باالهناء ماينا لك
هل المشاكل با اتفاق المفاهيم = ماهوب حل اتقرّره من خيالك
تبغى النجاح اتبع جميع التعاليم = يمكن تحقق مابقي من امالك

حفراوي
بيض الله وجهك على
الابيات الجزله
راقت لي
تقبل مروري
كل الود والتقدير لك

يكفي النوم يانيم
صح لسانك وعلا شانك
جزله
تقبل تقديري وودي الخالصين

سلطان بن سبقان الحزيمي& حمود بن صدغان العصيمي

صح الله ابدانكم يا المناعير ولا علاكم زود....

تعليقاتكم الطيبة ما زادتني إلا شرف ونوماس...

بيّض الله وجيهكم وتقبّلوا تحياتي...

صح السانك

قصيده وافيه

لاهنت ياحفراوي

ياسلاااااااااام على الابداع ياحفراوي ..

صح لساانك والله يعافيك ..

ولاتحرمنا الجديد والقصيد ..

......

الله لا يهينكم كل(ن) بإسمه وصح الله ابدانكم...


تعليقاتكم الطيبة ما زادتني إلا شرف يا جماعة الخير...


بيض الله وجيهكم وتقبلوا تحياتي...