وين العتيبي يا عتيبه

يا سلام الله سلام ينعرف مبدا سلامي=في رجال تعرف الماجوب وتحب الجميله
سرت في وفق النظام ولا بخالف للنظامي=وكل فارس في عتيبه يا ربع يومي بخيله

مرحبا ترحيب ما غناه ابن زيد الزلامي=في ليال الصيف واللي قابله زيد العضيله
شي اكيد المحترم يفرض عليك الاحترامي=وان عصيت الامر شالوك العرب باهون وسيله

صحت الالسن
بدعه كايفه ورد واااااااااااااااااااافي
متابعين

صح بدنك ياعز الرفيق مرورك اضاف للقاف الشي الكثير

البقا ثم البقا يا شاعر(ن) حامي بـ حامي=وكل سيف(ن) بارع(ن) يا صاحبي نسمع وليله
ويش رايك يا زميلي في اساليب الحرامي=والحرامي تنقطع يده بضربات(ن) صقيله

و الله العلم

صحت السنتكم و بيض الله وجيهكم

و الصف شبلااوي

الظاهر شبل انسحب وما له نيه يكمل

كان غاديلك بضاعه ياولد وكل محامي=لاتثاري بالكلام الا محضرلي دليله
انت اظنك لو تصل الفرض خليت الصيامي=العزوم احيان تغدر بالرجل وتهد حيله

لا لا مايصير ينسحب

كمل كمل ياشبل كمل


ههههههههههههههههههههه

بارك الله يا شبل فاللي عرف معنى كلامي=وكان ما يفهم كلامي ناذر(ن) لاشعم سبيله
السماء فيها بروق ولاح من فوق الغمامي=وانت جاهل في علومه وانت جاهل في حصيله

لاتنوه والعزيمه كلها فول ويدامي=خابرين اللي ينادي كل عصريه بليله
لو يلوح البرق شرق ولويلوح البرق شامي=كلبوها بروق صيفن لوتكاشف فالمخيله

يا عتيبه ياهل الامجاد وافعال الكرامي=المزون تهل والوادي سقاه وسال سيله
يا خوي والعلم حنا نسمعه في كل عامي=لا تنّشب في الجليله وانت ما تقوى الجليله

ماعرفنا وشهو اسمك لو يعدون الاسامي=وان نشدني عنك حاكم قلت له هذا بقيله
لو نشدتك وش تحصل فالقبور ام العظامي=مدري اتجيب الجزيله او تضويلك هزيله

حن هل الامجاد والافعال مروين الحسامي=حن هل التاريخ لا شبت في الهيجا فتيله
لا يثور اعجاج شعرك وانت ما تعرف مقامي=وانت منت بكفو من هو بالشدايد مرتكي له

شكرا نكتفي معك بهذا القدر

لا هنت يا شبل وصح لسانك وبيض الله وجهك