خلق البشر

سبــحان من يـخلق من الطير قرنـاس = ومــن الكـواســر ضيـغمٍ ما يــهابِي
ومن الرجال اللي خذ الطيب نومــاس = يــبغى الستـيره من كــلام الغيــابِي
ومنهم له الهــيجا كما افراح واعـراس = يــجنــدل الـفرسـان يــوم الحرابِي
ومنــهم حكيــم وثـاقب القـول مـقـواس = لـه حكـمةـٍ في حـل كل الصعابِي
خلق الـبـشر يفـرق به اطياب وانـجاس = هـذا اصيــل وذاك كـلــه خــرابِي
مــعــدن بـعــضهم في تـواصيفه نحاس = وبـعضه ذهب وصفه يبيله كتابِي
يــاحــي قــومٍ فـعلــهـم يــرفــع الــراس = خضع لشـيـبتـهم جميع الشبابِي
في مـجلـسٍ عـالي رفـيـــعٍ عـلى سـاس = مجلس كرم ماصك له يـوم بـابِي
أشــتـــاق للــقــهـوة تــقلـــّب بــمحماس = تشب نارك والحطب لك يــجـابِي
دق النـــجــر واطبــخ لنا اليــوم بـقياس = ســمــرا حـسينه حسنها ما يعابِي
يــاريــحة القــهــوه ترى طيب الانـفاس = بـــهــارها هيــلٍ بـصفــرٍ عذابِي
عـز الله انـي في هــوى الكيف محتــاس = مـن دونــها تصبح حياتي سرابِي
ويا ما حـلا الجلسه على رمـل الاطعاس = في ليـلةٍ قـمــرا وومضة شــهابِي
نــجــومها تــضوي لها اشــكال واجناس = زيـنــة ســمانا ماحـلاها عــجابِي
وصـــلاة ربي عـــد مــاهـــب نســنـاس = وعداد ماسال المطر في الشعابِي
على نــبــيــنا المـصطــفى سيّــد النــاس = اللي مــسح بالـحق كل الريـــابِي

الله الله


صح الله لساانك ياعبداللطيف على هذه الرائعه ..


تحيتي واعجابي
..

صح الساااااانك

مبدع

الأخ العزيز محمد العتيبي صح بدنك


أسعدني مرورك الرائع


تحيتي العطرة لشخصكم الكريم

عناد الشيباني صح بدنك


الأروع مرورك

الله الله


صح لساند مدد بلا عدد


مودتي

الكايد صح بدنك


أسعدني مرورك



لك مني كل الود والتقدير

السلام عليكم

صح السانك


مبدع

وعليكم السلام

مرورك أروع

تقبل تحيتي العطرة