الفيصل ولاتهووون........
فراج القرقاح19-Jul-2005, 02:12 AM
ابتدا ليل السعد ياعسى ليله طويل=والسوالف يالنشاما لزوم نعدها
قوم يالفيصل ترا حملك الليله ثقيل=والمعاني يالسنافي تراني جدها
فيصل الثبيتي19-Jul-2005, 02:43 AM
يشرفني اللعب مع شاعر مثلك يالداهية
واستلم طال عمرك /
خلووووووووووووووها
ابتدا ليل السعد .. والمسافر له دليل=والخوافي يا عميلي نبيّح سدها
كان جاك السيل لا ترتجي طيب الحصيل=واغمض العين اللعينه لا عاد تلدها
فراج القرقاح19-Jul-2005, 02:59 AM
مرحبا ومسهلا ولي الشرف طال عمرك.....
استلم...
ذاعوا علينا وقالوا عواصف ياوكيل=من ورا الصمان حتى الكويت وحدها
مايجي طيب الحصيل من ورا الشي القليل=والدعاوي خلها لاتجي وتصدها
فيصل المسعودي19-Jul-2005, 04:53 AM
الدااااااااااهيه
ااااااالفيصل
متابعين واصلووووووووووووووواااااااااا
تحيااااااااااااااااتي
الفراهيدي19-Jul-2005, 08:50 AM
الداهيه و الفيصل
متابعين واصلوا
تحياااااااااااتي
فيصل الثبيتي20-Jul-2005, 12:38 AM
الله الله يالداهية
استلم يا مال الغناة /
وش علينا يا صحيبي من هروج الهبيل؟=ما دام ان العين شافت : دموع فخدها
المحاصيل التي جنيها تالي الليل!!=النهار اقبل وعاف الظلام ... وهدها
فيصل الثبيتي20-Jul-2005, 12:44 AM
يا سميّنا المسعودي
تواجدك .. لا تعلم مقدار ما يضفيه . . .
تابعنا ولنا الشرف . . .
الفيصــــــل
فيصل الثبيتي20-Jul-2005, 12:52 AM
الفراهيدي
عندما اقرأ حروفك اشعر وكأن حبيب يتحدث . . .
تواجدك سامي ويطمح له الجميع . . .
الفيصـــــــل
فراج القرقاح20-Jul-2005, 02:07 AM
طيب طيب ...
المثل قالوه يالفيصل اسمع هالمثيل=القوافل ماشيه والبلا في ردها
ماعلينا لو تهرّج هبيل ٍ يالأصيل=حن خلقنا لاجلها وابشر انحن قدها
((الدلبحي))20-Jul-2005, 02:39 AM
تسلمون على العب
الفيصل سجل اعجابي والداهيه لك اسمى تحيه
الايداء120-Jul-2005, 07:15 AM
صحة السنتكم يالشعار متابعيييييييييييين
فيصل الثبيتي20-Jul-2005, 02:36 PM
لو لقينا ثغرةٍ فالشداد وفالنزيل=اعرف انك يا صحيبي تجي وتسدها
لن صفقنا خصمنا صفقة السيف الصقيل=الجدايل لفلفت مات من قد كدها
فيصل الثبيتي20-Jul-2005, 03:10 PM
سالم يالدلبحي
اهديتني بحروفك وسام اتوسم به ما حييت
لا هنت على مرورك . . .
الفيصــــل
فيصل الثبيتي20-Jul-2005, 03:37 PM
صح بدنك يالمورقي
متابعتك شرف . . .
الفيصـــــل
ماجد الهذلي20-Jul-2005, 04:37 PM
الله الله أعذروني
لأني ما جيت من البدايه
محاروه ممتازه ونتطلع للمزيد
تحياااتي
فراج القرقاح20-Jul-2005, 05:35 PM
الجمال محمله ياعساها ماتميل=والمغازي يالسنافي لها لا بدها
مير خذ مني خلاصه ولا هي مستحيل=الحديده للحديده تراها ضدها
فراج القرقاح20-Jul-2005, 05:39 PM
الفراهيدي....
الدلبحي....
ماجد الهذلي....
يامرحبا بالجميع والله لايهينكم على المرور والمتابعه .... واذا احد نسينا اسمه سهوا ارجو المعذره....
والشكر موصول للجميع....
فيصل المسعودي20-Jul-2005, 05:45 PM
ووووووووووواااااصلوووووووااااااااا
تحيااااااتي متااابعين
فيصل الثبيتي20-Jul-2005, 09:04 PM
مر اشوفك فالبسيطة ومرة في سهيل=والسواليف انخلط هزلها مع جِدها
به كلام ٍ معتبر .. به هروج ٍ للخبيل=يرحم الله يمنى تركي ليا انه مدها
فيصل الثبيتي20-Jul-2005, 09:09 PM
كل الشكر لكم جميعاً على تواصلكم . . .
فراج القرقاح21-Jul-2005, 01:47 AM
الاخ الفيصل....
صح لساااانك ولاهنت يالغالي على اللعبه الطيبه واللي بالنسبه لي درس مجاااني....
والى لقاء اخر ان شاء الله.... والشكر موصول للاخوان المتابعين.....
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
