قصيده لشاعر / ضيف الله بن فهد بن موطان

يأهل المظاهر والرياء والمظاهاه
شي(ن) مهوب لمقصد الله يضيعي
يذهب ذهاب الملح لاذاب في ماه
وألا النفيض إليا تفرق مزيعي
ترا التصنع ملبس النقص وارداه
مايلبسه غير الضعيف الضريعي
والطيب فالطيب تبين مزاياه
يبين فالطيب بشكل(ن) طبيعي
لو كان فالقطب الشمالي وفأقصاه
لابد مايذكر وصيته يذيعي
وترى الفخر ما يدركه من تمناه
ياكود رجل(ن) للمعالي يزيعي
رجم(ن) طويل ويزري الاش يرقاه
ويشوف من دونه سياج(ن) منيعي
والاش طيبه بالحكاء والمباباه
وعن منهج الطاله يصد ويتيعي
لو هو تصنع ما تسره سواياه
سراب قاع(ن) لو غداله لميعي .

لشاعر / ضيف الله فهد بن موطان العضياني .