الرباعيه يا شبابه .........." الصفووووووووف "
المسرّي13-Aug-2005, 06:11 PM
خلوووووووها
وين الهذلي >>>>>> اقرب نفدااااااااك
الليل ذا الليل نبغاها رباعيّه
في المنتدى والخناذف نارهم حيّه
على شبابه ترى الغارات جويّه
والحرب بسلاح والميدان برجاله
يا مرزوق والله مالها عنك مجناب =تصدد ولا لك عن لقا الموت صده
فيصل المسعودي13-Aug-2005, 06:18 PM
الليل الليل
ميخالف ياخنادف يبا يجيكم الاعصار تعزوا بالهذيلي ولا متعزوا الاعصار جايكم جايكم
تحيااااااااااااااااااااتي ووووووووووواااااااااصلووووووووووووووواااا
مرزوق حمدان العتيبي13-Aug-2005, 06:19 PM
....
طيب طيب
وانا ارشح ابن شلواح ان كان لديه وقت للمشاركه
:)
المسرّي13-Aug-2005, 06:28 PM
فيصل المسعوووووووووووووودي
ارحب ارحب
والهذلي لباااااااااااس جنبي
يا ويلكم ويلاااااااااااااااااااااااه
ما اشوووووووووووف الصفووووووووووووووووف
المسرّي13-Aug-2005, 06:29 PM
مرزووووووووووووووووق
ولا كلمه >>>>> الطاروووق بيننا ههههههه
الليل الليل
انت ومن يجي معك
حنا جاهزين لو تجون بحبيّب العازمي هههههههه
سيــف المعانـي13-Aug-2005, 06:39 PM
وين طاروووقكم يالربع <<<< الليل يا الهذلي
المسري مسيت بالخير :) دائماً رائع
لك تحياتي
ماجد الهذلي13-Aug-2005, 06:45 PM
مرزوق مدري علامه صاح وينادي
وأليا مشى قام في مشيته متحادي
ما عاد يدري عن الرايح من الغادي
والحرب بسلاح والميدان قدامك
ولقمه تبا تطحن بضرسين والناب =ولا بد فالأيام والوقت شده
سيــف المعانـي13-Aug-2005, 06:47 PM
الله الله
بين ضرس وناب يا سلام يا سلام
الليل
مرزوق حمدان العتيبي13-Aug-2005, 07:22 PM
...
طيب طيب....
اثنين من كثرة الطقات ماتابوا
ياكثر ما اخطوا وعكسه قل ماصابوا
اليا غزوا جابو النكبه ولا ثابوا
والراس مرفوع والرايه سعوديه
انا يالمسري مااحسب لمثلك حساب= لجل ماقفي باللعب منته بقدّه
سيــف المعانـي13-Aug-2005, 07:41 PM
الله الله
قديحه وبارود
ماسكن الصف ...........
في صف شبابه
اثرك يا مرزوق شراٍ شرير يا دافع البلا
:)
اللللللللييييييييييييييييييييييييييييييييييييل
الفراهيدي13-Aug-2005, 08:16 PM
الله الله الله
ياســــــــلام ياســــــــــــلام
واصلوووووووووو
وين الشاعر الرابع
ولا أرد على ماجد
ههههههههههه
تحياااااااااااااتي
المسرّي13-Aug-2005, 08:16 PM
يا سلاااااااااااااااااااااام يالهذلي
مرزوووووووووق بعد بيكثر صيااااااااااااحه
الليل الليل
وين خويّك يا مرزووووووووووووووووق
الصبر غلّق
المسرّي13-Aug-2005, 08:19 PM
سيف المعاني
مسيت بالخييييييييييير والله يحييييييييييييييييك
متابعتك تزيدنا حمااااااااااااااااااااااااااااااس
الفراهيدي
كفوووووووووووووو والله
وحنا في الانتظاااااااااااااااار
لكن علّمنا اذا افتتحت المبنى الجديد للتوقييييييييييع ههههههه
سيــف المعانـي13-Aug-2005, 08:25 PM
انا يالمسري مااحسب لمثلك حساب
لجل ماقفي باللعـب منتـه بقـدّه
<<<<<<<<<< تعبت وانا اشيل البيت
وين ابن شلواح يا مرزوق :)
الليل سرااااااااااااااااااااااااء
مرزوق حمدان العتيبي13-Aug-2005, 09:16 PM
...
ابن شلواح شكله الليله غير متواجد..
والربع مستعجلين ...
اذاً ... الجميع فيهم البركه من اراد ان يكمل فليتوكل على الله ...
المسرّي13-Aug-2005, 10:17 PM
الليل يا مرزووووووووووووووووووووق
ناد واحد من الربع الموجودين >>>> فيهم الكفايه
بلشتوا يا شبابه في شاعر
ننتظركم|167|
ابن شلواح14-Aug-2005, 12:42 AM
الله الله
يارياجيل العذر والسموحه واللله مكادريت عن الطاروق الا هالحين أبشر والله بسعدك يابو محمد
مرزوق صوٌت وأنا حاضر لابن عمي
ولا حسبــنا لكم يالبــــــكم والصــمي
وابن الهذيلي ربطته في طرف كمي
والراس مرفوع والرايات مرفوعه
ترى ماغدا حق ٍ تقفاه طلاب = ولن نام ماجد دوروله مخده
المسرّي14-Aug-2005, 01:21 AM
اخيرا جيت يابن شلواااااااااااااااح
مرزوق قالوا شجيع وشاعر عتيبه
لكن لاشاف المسرّي صابه مصييبه
ما عاد والله تسرّه فزعة صحيبه
والحرب بسلاح والميدان برجاله
تقوله وانا لي فيك تسعين مضراب=وذاالليل جايك ضربةٍ مستجده
فيصل المسعودي14-Aug-2005, 01:28 AM
يسلاااااااااااام
اكتمل الابداااااااع
المسري
ماجد الهذلي
مرزوق العتيبي
ابن شلوااااااااااااااح
الميل على صفووووووووفكم ياخنادف
ووووااااااااااااااااااااصلووووووووووووااااا
تحياتي
فراج القرقاح14-Aug-2005, 01:50 AM
ياسلااااااااااااااااااااااااااااااااااام ياسلااااااااااااااااااااااااااااااااااااام ....
محاااااااوره تجمع العماااالقه ... الليل الليل ... متاااااااابع ولازم اتااااابع ...
وانا في صفك يالمسّري انت وماجد .... وذلك لحاااااااجة ٍ في خاطري ... |179||179|
ماجد الهذلي14-Aug-2005, 12:26 PM
يا ولد شلواح فيك إخلاف في راسك
لو تبني البيت فوق السطح جا ساسك
وإن قست لك علم محد ٍ يتبع قياسك
والحرب بسلاح والميدان قدّامك
علامك تقرّب جلمدك كل مشعاب = وأشوفك جمل لاكّن من دون عده
مرزوق حمدان العتيبي14-Aug-2005, 04:33 PM
الله الله
يارياجيل العذر والسموحه واللله مكادريت عن الطاروق الا هالحين أبشر والله بسعدك يابو محمد
مرزوق صوٌت وأنا حاضر لابن عمي
ولا حسبــنا لكم يالبــــــكم والصــمي
وابن الهذيلي ربطته في طرف كمي
والراس مرفوع والرايات مرفوعه
ترى ماغدا حق ٍ تقفاه طلاب = ولن نام ماجد دوروله مخده
الله الله
ابن شلواح فوق كل تقييم ..
لاهنت..
مرزوق حمدان العتيبي14-Aug-2005, 04:38 PM
...
خلووووووها...
مرزوق لاقال قوله تثبت افعاله
ولاّ انت يالغامدي على الشعر عاله
لاتكثر الكذب عان النار شعاله
والراس مرفوع والعزوه عتيبه
....
ترى منته بضارب طويلين الاشناب = وتقصر يمينك لاحصل فيه هدّه
المسرّي14-Aug-2005, 04:40 PM
فيصل المسعوووووودي
حيااااااااااااااااااااك الله
الداهيه
ايه نفداااااااااااااك
الصف لا عدمنااااااااااااااك
مرزوق حمدان العتيبي14-Aug-2005, 04:43 PM
...
فيصل هلابك يسعدنا تواجدك
وشكرا لك على نشاطك...
...
الداهيه حياك ربي والاعمال بالنيات :)
الله لايهينك ..
شرفت في الحالتين ...
المسرّي14-Aug-2005, 04:43 PM
مااااااااااااجد الهذلي
ايه بيض الله وجهك
اسر عليهم ولا يهموووووووونك
مرزووووووووووووق
طيب طيب والليل قدامك
ازهم ابن شلواح
الليله نبا ننهيها
سيــف المعانـي14-Aug-2005, 04:51 PM
الله الله يا مرزوق
بحر بحر ولا يهونون الجميع
اسروو والليل والمسري من البارح محتزم :)
وبالتوفيق
مرزوق حمدان العتيبي14-Aug-2005, 04:58 PM
...
شاعرنا الرائع سيف المعاني
ماعليك زود والله لايهينك ايها المتميز....
تحياتي
اللطّــام14-Aug-2005, 05:32 PM
مرزوق صوٌت وأنا حاضر لابن عمي
ولا حسبــنا لكم يالبــــــكم والصــمي
وابن الهذيلي ربطته في طرف كمي
والراس مرفوع والرايات مرفوعه
ترى ماغدا حق ٍ تقفاه طلاب
||||||||||||| ولن نام ماجد دوروله مخده
رد غير عادي يا ابن شلواح
مبدع زياده
مرزوق لاقال قوله تثبـت افعالـه
ولاّ انت يالغامدي على الشعر عاله
لاتكثر الكذب عان النـار شعالـه
والراس مرفوع والعـزوه عتيبـه
ترى منته بضارب طويلين الاشناب
||||||||||||||| وتقصر يمينك لاحصل فيـه هـدّه
مذهل يابو محمد
مشجع بقوّه :)
......................
اخي الفاضل اللطام الدور ماهوب على المسرّي
الدو لشاعرنا الغالي ابن شلواح ونحن في انتظاره
لذلك ورد التنويه والتعديل
مرزوق حمدان العتيبي14-Aug-2005, 06:07 PM
....
..
.
هلا باللطام|186|
شرفتنا بحضورك لاعدمتك ...
المسرّي14-Aug-2005, 06:40 PM
يامرحباااااااااابك
اللطام
وين الغيبات >>>>> يامرحبتين
اشكر لك مرورك .
مرزووووووووووق:cool:
والله شكلي بارقد دام انت وابن شلواح اخصامنا >>>>> اقبلها مثل ماقبلنا الاوله
الليل الليل
تبون الرد تراه حاضر من اليوم لكن ننتظر ابن شلوااااااااااااااااااح
مرزوق حمدان العتيبي14-Aug-2005, 07:00 PM
.....
تنويه في محلّه ...
ولا حصل الا الخير ...
.....
المسرّي .. ابن شلواح عذره معه
ولكن لا تستعجل :)
الف شكر ياغالي....
ابن شلواح14-Aug-2005, 07:27 PM
يادافع البلا دايم انا اللي مخركم اعذروني :)
ترى الخلل وسط راسك جعلك العله
لاشفتني جيت مقبل صابتك خــلـــــه
وألا ابن شلواح واصحيبه على المله
والراس مرفوع والرايات مرفوعه
والا يالهذيلي رابطينك فالاطناب = تشد الحبل والحبل راسك يشده
مرزوق حمدان العتيبي14-Aug-2005, 07:35 PM
يادافع البلا دايم انا اللي مخركم اعذروني :)
ترى الخلل وسط راسك جعلك العله
لاشفتني جيت مقبل صابتك خــلـــــه
وألا ابن شلواح واصحيبه على المله
والراس مرفوع والرايات مرفوعه
والا يالهذيلي رابطينك فالاطناب = تشد الحبل والحبل راسك يشده
الله الله
----------> ماعاد يشوف من السطر :)
المسرّي14-Aug-2005, 07:45 PM
الليل الليل
الغامدي شاعرٍ والنار موقدها
في راس من هيبته ذا الوقت فاقدها
ومن صاحبي راح ابن شلواح مع يدها
والحرب بسلاح والميدان برجاله
طريقك طويل وتبغي الليل ركاب=يامرزوق والله مثلكم ما نعده
أحمد المالكي14-Aug-2005, 08:00 PM
مانعده مانعده
تبغون الصراحه
والله انا كلنا خندف وشبابه وياسعد عيني فيكم والله
ومحاورة ناريه وجميله من جميع الاطراف
والكره الان في ملعب الهذلي ماجد
وبالتوفيق للجميع
فيصل الثبيتي14-Aug-2005, 08:12 PM
والله شكلي بارقد دام انت وابن شلواح اخصامنا
على هونك يالمسرّي
ما هقيتها منك يا شاعر غامد وممثلها
احترم خصمك .. يحترمونك الجمهور
ترى امر الله من سعه واللعب
فلة حجاج لا تعجل ثم تجيك مطيّرة ومطرّحه
وشدو حيلكم يالشعار وحنا متابعين
فيصل الثبيتي
المسرّي14-Aug-2005, 08:13 PM
هلا والله بصبي بني مالك
نورت نفدااااااااااااااااك
ومثل ماقلت طال عمرك
كلنا خندف وشبابه ربع ورفاقه
سيــف المعانـي14-Aug-2005, 08:14 PM
الله الله
بس ابن شلواح وماجد ودك يعطون قسايم
على التاخير
يالله الليل في صف شببببببببببببببببببببببببببببببببببببااااااااااااا ااابه :)
المسرّي14-Aug-2005, 08:17 PM
فيصل الثبيتي
هلا والله
على خشمي ولا لك الا رضااااك
والدعوى مزوووووووووووح
وتبقى اخو وعزيز وغالي
والله يكفينا شر المطيّره اللي تقووووووووول
المسرّي14-Aug-2005, 08:19 PM
سيف المعاااااااني
ارحب ارحب
والقسايم المفروض تعطى من الباااااااااارح
وماجد بيجيكم لا تستعجلووووووووووون
فيصل الثبيتي14-Aug-2005, 08:26 PM
ناس تقبل بها وناس تضيق منها
وانا داري انك كفو للشحم يالغامدي
ولا زلنا متابعين ابداعكم . . .
فيصل الثبيتي
مرزوق حمدان العتيبي14-Aug-2005, 09:02 PM
سيــف المعانـي14-Aug-2005, 09:05 PM
ماجد الهذلي14-Aug-2005, 11:20 PM
حيا الله الجميـــــع
عز الله إنك صحيح تـــدّور الهوشه
حنا نبا نربط الشوشه مع الشوشه
الليله الليله العــــتبان مغشـــوشه
والحرب بسلاح والميدان قّـــدامك
أنا أبغاك صقر أشهب ولا ودي غراب && ولك راس لا بد الليالي تكدّه
مرزوق حمدان العتيبي14-Aug-2005, 11:38 PM
خلووووووووووووووووهااا..
:)
اثر المسرّي خبير وياكل الشمّه
يبا يهرّب وطاح القات من كمّه
مايدري اني ابوه .. وخاله .. وعمّه
والراس مرفوع والرايه سعوديه
انا افرح لياشفتك ونادي للاصحاب = وخليك ضحكه بين مكه وجدّه
محمد العتيبي14-Aug-2005, 11:57 PM
يا سلام يا سلام يا سلام
ماشالله على الابداع والقمه والجزاله طاروق جمع عمالقه وبحور
كل واحد يسجل من الاعجااااااااااااااااااااااااااااااااااااب
الشديد
الشديد
الشديد
الشديد
الشديد
ابومشعاب...............
المسرّي15-Aug-2005, 12:08 AM
حيا الله الجميـــــع
عز الله إنك صحيح تـــدّور الهوشه
حنا نبا نربط الشوشه مع الشوشه
الليله الليله العــــتبان مغشـــوشه
والحرب بسلاح والميدان قّـــدامك
أنا أبغاك صقر أشهب ولا ودي غراب && ولك راس لا بد الليالي تكدّه
ايه نفداااااااااااك عليهم
ولا لهم الا ما قلت
فراج القرقاح15-Aug-2005, 12:11 AM
انا مع اخوي ابو مشعاااااااااااااااااااب ...
تسجيل الاعجاااااااب اللا منقطع ...<<<<<<<<<<حلووه صح
واصلوووووووووووووا لاهنتوا ... ولازلت في صف المسّري وماجد ... وذلك لحاجة ٍ في خاطري يامرزوق .. |11|184|
مرزوق حمدان العتيبي15-Aug-2005, 12:31 AM
....
ابو مشعاااااااب مرحبا بهالشوفه...
لاهنت ولاعليك زود...
هلا بالداهيـه .... شرفت
واهم شي عندنا راحتك :)
السعاده لما انشوف حروفك ونأنس بها .. والله اني صاتز :)
فراج القرقاح15-Aug-2005, 12:36 AM
هلا بالداهيـه .... شرفت
واهم شي عندنا راحتك :)
السعاده لما انشوف حروفك ونأنس بها .. والله اني صاتز :)
ارحب يامرزوق ... وعزالله انك غالي .. ولا قلته الا من غلاك ...ولكن نحب
نلطف الجو ... ولا ازال اقول ... حاجة ٍ في خاطري<<<<<<<والله البلشه:)
المسرّي15-Aug-2005, 12:51 AM
وين ابن شلوااااااااااااح
الليل الليل
في انتظاااااااااااااااااااااره
المسرّي15-Aug-2005, 12:55 AM
ابومشعاب والداهيه
حيااااااااااااااااااااكم الله
سيــف المعانـي15-Aug-2005, 12:56 AM
الله الله
لا والله غدو بكم العتبااااان يا خنذذذذذذذذذذذف
عتااااااااااااااااااااااااابه سرت عليكم :)
الليل يا سنايدي
المسرّي15-Aug-2005, 01:00 AM
هلا بسيف
وينهم وينهم عتااااااااااابه
السرى عندهم
ابن شلواح15-Aug-2005, 01:13 AM
خلووووووووووووووووهااا..
:)
اثر المسرّي خبير وياكل الشمّه
يبا يهرّب وطاح القات من كمّه
مايدري اني ابوه .. وخاله .. وعمّه
والراس مرفوع والرايه سعوديه
انا افرح لياشفتك ونادي للاصحاب = وخليك ضحكه بين مكه وجدّه
ياااسلاااام ياسلاااااااام والله انك تكفي يابو محمد لحالك لاعدمناك
ابن شلواح15-Aug-2005, 01:22 AM
الله الله
استلموااا
ياكذب ذالغامدي لارحم ابو خاله
ترى الهذيلي رفيقك حالته حاله
لكن دقوا على الأسعاف تشتاله
والراس مرفوع والرايات مرفوعه
لو إنٌا نعود يم تاريخ الأنساب = عرفنا من اللي شرفه فعل جده
ابن شلواح15-Aug-2005, 01:25 AM
سيف المعااااني
يامرحبابك يابن العم في صف عيال عمك ماهو مثل بعض النااس هههههههههههههههه
الداهيه وين ماودك تجي تعال المهم وجودك يالغالي
ابن شلواح15-Aug-2005, 01:28 AM
ابــــــــــــــــو مشعـــــــــــــاب
يامرحبا والله تراحيب المطـــــــر اسفرت وانورت ياحي هالوجه
لواني عتبان عليك يالقاطع
المسرّي15-Aug-2005, 01:30 AM
هيييه خلوها
فعولنا مع رجال المدح ماتنسى
راسين راسين وانتم مالكم مرسى
واللي نطق بالسفاهه يقطع ويخسى
والحرب بسلاح والميدان برجاله
تحدّى ذياب وجاك شرّك من ذياب = يامرزوق م اللي قال ميدك تحده
فراج القرقاح15-Aug-2005, 01:33 AM
هلابك يابن شلوااااااااااااااااااااااح موجود ... يالغالي ...
واللي تبي ... |1||1|
المسرّي15-Aug-2005, 01:35 AM
الليل الليل
عليهم يالهذلي
ما بيطوووولوووون
ماجد الهذلي15-Aug-2005, 01:47 AM
أخبول ما يفهمون علوم قد راحت
عز الله إن الوجيه اللي كذا شاهت
يا ولد شلواح روحك في يدي طاحت
والحرب بسلاح والميدان قدّامك
ويم الهدف وشبه يودي ولا جاب = وله عين تبكي دمعها فوق خده
المسرّي15-Aug-2005, 01:52 AM
اسر عليييييييييهم
وانا معك
الليل الليل عجلوا علانااااااا
ما فيه الا نار وبارووووووووود
سيــف المعانـي15-Aug-2005, 02:05 AM
صح لسان الجميع
وتمسو على خير والجاااايااات اكثر
الجميع ماقصر واتمنى تنهى المحاوره يا الربع :)
ماجد الهذلي15-Aug-2005, 02:10 AM
سيف خير ما سويت
والرد النهائي لمرزوق وابن شلواح
خلهم يردون أو ينهونها
وصحت ألسنتهم
والسموووحه يالربع
وتحياتي لك يا سيف
المسرّي15-Aug-2005, 02:12 AM
الكره في ملعبكم
وحنا حاضرين كذا والا كذا
واذا عند الربع شي بكره نتقابل
تصبحوووووووون على خييييييير
سيــف المعانـي15-Aug-2005, 02:17 AM
ماجد المسري
مرحبا بكم
على الود نعهدكم ودمتم
سيف المعاني
ابن شلواح15-Aug-2005, 02:24 AM
والله يالربع الدر عند ابو محمد
كان ودها ننهيها والا يجيب رده وانا الرد جاهـــــــــــــز
وعلى العموم تصبحون على خير يالربع
ولا هــــــــــنــــــــــتوا
اخوكم ابن شلواح
((الدلبحي))15-Aug-2005, 03:02 AM
ننتظر احد الاخوان
وابداع متجدد على الرباعيه
سجلوا اعجابي
تحيااااااااااااااااااااااتي
مرزوق حمدان العتيبي15-Aug-2005, 02:41 PM
الله الله
استلموااا
ياكذب ذالغامدي لارحم ابو خاله
ترى الهذيلي رفيقك حالته حاله
لكن دقوا على الأسعاف تشتاله
والراس مرفوع والرايات مرفوعه
لو إنٌا نعود يم تاريخ الأنساب = عرفنا من اللي شرفه فعل جده
الله الله
انت والله اللي تنطح قبيله لاعدمتك ...
بصراحه رد قوّه ومعنى ...
مرزوق حمدان العتيبي15-Aug-2005, 02:49 PM
....
خلووووها .... واللي ماعنده دوام يسهر على كيفه :)
ابن الهذيلي وراك اتسحّبه خلفك؟
سبحان ربي طبق ولفه على ولفك!!
لو نضربه بالمطافي عنك ماينفك
والراس مرفوع والعزوه عتيبيه
ورى يالمسرّي صار في قلبك ارعاب = وانا مانويتك ضربة ٍ مستبدّه
ابن شلواح15-Aug-2005, 04:51 PM
الله الله
ياصاحبي يالهذيلي علٌم الثانـــي
لايرفع الصوت والأخصام عتباني
وأنته بعد عقب هاذي لاتحــدانـــي
والراس مرفوع والرايات مرفوعه
ترانا ترنا مروية علط الأرقاب=لكن أرخ راسك والنظر لا تلدٌه
مرزوق حمدان العتيبي15-Aug-2005, 05:24 PM
الله الله
ياصاحبي يالهذيلي علٌم الثانـــي
لايرفع الصوت والأخصام عتباني
وأنته بعد عقب هاذي لاتحــدانـــي
والراس مرفوع والرايات مرفوعه
ترانا ترنا مروية علط الأرقاب=لكن أرخ راسك والنظر لا تلدٌه
الله الله .....
وافي يالوفي...
أبو محالة15-Aug-2005, 05:28 PM
الله الله
ياصاحبي يالهذيلي علٌم الثانـــي
لايرفع الصوت والأخصام عتباني
وأنته بعد عقب هاذي لاتحــدانـــي
والراس مرفوع والرايات مرفوعه
ترانا ترنا مروية علط الأرقاب=لكن أرخ راسك والنظر لا تلدٌه
لله الله
رد ما يحتاج
فراج القرقاح15-Aug-2005, 05:30 PM
ياسااااااااااااااااااااااتر ... الله لايهينكم ...
ولازلت متااااااااابع .... واللله انكم تخوفون ...|25||25|
المسرّي15-Aug-2005, 08:22 PM
اسمعوا والليل وراااااااااكم
انا وماجد على الطاله تخاوينا
ولا لكم فكه الليله من يدينا
ماهيب خوتك خوّة شاطئ ومينا
والحرب بسلاح والميدان برجاله
اغني بوسط الملعبه والفكر طاب=ولا نقْص مرزوق ابن شلواح سده
سيــف المعانـي15-Aug-2005, 08:27 PM
هذا والله العلم
هي دخنت لا والله الا هجدتكم عتاااابه يا خنذف
الللللللللللللللللييييييييييييييييييييل يا الهذلي
خل الشعار يلعبوووون ما دام الوضع تحدي :) ما ورنا دوماااات :)
ماجد الهذلي15-Aug-2005, 09:18 PM
أختامها مسك بالعنبر وبالكادي
ما عاد تنفع بسردادي ومردادي
والمزح ما بينني يا أصحابنا عادي
والحرب بسلاح والميدان قدّامك
نبا ننهي الموضوع والقاف ما شاب = وتبقى القلوب نضاف في كل مده
ابن مشيب15-Aug-2005, 10:13 PM
نبا ننهي الموضوع والقاف ما شاب = وتبقى القلوب نضاف في كل مده
الله الله صح السانك ياماجد وهذا ماتعودناه من المتحاوين امثالك
صحت السنتكم جميعاً يامرزوق ويابن شلواح وياماجد ويالمسري
ونحن من المتابعين لكم دوماً
تقبلوا اعطر التحايا
سيــف المعانـي15-Aug-2005, 10:19 PM
أختامها مسك بالعنبـر وبالكـادي
ما عاد تنفع بسردادي ومـردادي
والمزح ما بينني يا أصحابنا عادي
والحرب بسلاح والميدان قدّامـك
الهذلي هذا الشاعر خطير احذور منه
في جميع حالاته اسجل اعجابي
الشديد في الجميع
لكم تحياتي
المسرّي15-Aug-2005, 10:22 PM
شكرا للجميييييييييييييع
وبيض الله وجيهكم
وعلى الود نلتقي
مرزوق حمدان العتيبي16-Aug-2005, 12:40 AM
....
لو ماجد افتك منك بتصلح احواله
يالشاعر اللي فضيحه كل ماقاله
طيّب ولكن طيبه ضاع بــ خباله
والراس مرفوع والرايه سعوديه
..
توقعت فيكم شي والظن ماخاب = يمينك على كيس الذهب ماتمدّه
صحت ابدانكم والله لايهينكــــم...
ابن شلواح16-Aug-2005, 02:38 AM
الله الله
واختامها بالكلام الزيــــــــن نختــمها
صلوا على اللي جميع الناس علمها
بالدين والشرع والاسلام فـــهـمــها
والراس مرفوع والرايات مرفوعه
نبا ننهي الطاروق وان قفٌل الباب=ترى الشك زايل والبحر من يرده
ابن شلواح16-Aug-2005, 02:40 AM
لاهنتو يالربع وصحة أبدانكم
وشكرا لجميع من تواجد في هذا المحراف ولكم تحياااااااااااااتي
اخوكم ابن شلواح
فيصل الثبيتي16-Aug-2005, 06:45 PM
اعجاب فيصل الثبيتي لا حدود له
الله لا يهينكم على هذا الطرق الحامي
وننتظر الجديد الجميل من فطاحلتنا . . .
فيصل
تذكار هايم16-Aug-2005, 10:15 PM
يعطيكم العافيه جميع شعاااااااااااااااااااار عمالقه واحلى من الشعر روحكم الحلوه بارك الله فيكم
مرزوق حمدان العتيبي16-Aug-2005, 11:28 PM
...
الاخوان فيصل
وتذكار هايم...
حياكم الله وشكرا لكم على الاطراء ولا عليكم زود...
الــغــازي17-Aug-2005, 04:03 AM
صح لسان الجميع
تحيااااااااتي
مرزوق حمدان العتيبي25-Aug-2005, 10:40 AM
