شاعر الروقه وقف وتعال هنا
متعب العتيبي18-Dec-2005, 11:53 PM
السلام على الجميع
ياشاعر الروقه تعال اقرب وانا عندي كلام = لاتندفع ياصاحبي تلقى علومٍ ماتسر
احسب حسابك صح واحذر كل رجلٍ له مقام = والناس كلٍ له عيوب وكل واحد يستتر
شاعر روق19-Dec-2005, 12:07 AM
ياالثعلي الاول هلا تقدير مني واحترام=قررت والتقرير نصه ماش حذفِ بالحجر
وانته مقامك معتلي وشدادكم فوق السنام= لكن ورعان العرب قامت تدربي فالكفر
متعب العتيبي19-Dec-2005, 12:21 AM
بعض السوالف كنها مثل الذي وسط الظلام =ايقدم الخطوه ولايدري وش اللي منتظر
ماقول فيك قصور وانته لي ذخر وايضا حزام =وانا ماقول الا كلام الحق لو ادهى وامر
شاعر روق19-Dec-2005, 12:33 AM
صادق ولا تكذب ومثلك لو تكلم مايلام= طيب وفيك الخير والليله مع خيرك حضر
ابشر بعزك كلما ضاقت وما اشتد الزحام=والله لاخلي نارها في دقن خصمك تستعر
متعب العتيبي19-Dec-2005, 12:48 AM
اشره على الطيب واعذره بالاصول وبالنظام = وانته تعرف الخافيه ياليتك اتمد النظر
من يتبع المقفين يلقى اللوم وانواع الشتام =اسمع كلامي وافهمه والا ارم نفسك فالبحر
شاعر روق19-Dec-2005, 01:05 AM
شرهتك عندي غاليه لانك كريم ومن كرام=والعلم مزحه عابره لن كان ماعندك خبر
فاهم وعارف يادمي واقرا على الدنيا السلام=عشرة وانا واحد نفر لكن عشرة عن صفر
متعب العتيبي19-Dec-2005, 01:15 AM
في ذمتك لو جار وقته ثم تغشّاه العسام = وش موقفك ياصاحبي لودق ناقوس الخطر
اشوف كلٍ ماسكٍ ركنه وكنه في دوام = من لاقدر فالعاليه يمرح تحت ظل الشجر
شاعر روق19-Dec-2005, 01:29 AM
لن دق ناقوس الخطرجيتك وفي كفي حسام=اذودبه ياصاحبي من دون بعضات البشر
من لايطول العاليه قل له يابن ثعلي ينام=حنا نسده فاللزوم ان صار به كر(ن) وفر
متعب العتيبي19-Dec-2005, 01:36 AM
الحمدلله يارفيقي واللحم فوق العظام = وانته من اسبابك كثير الناس ضغطه منفجر
دوّر على راع السمينه واترك اصحاب الهلام=والرجل تذكر فعلته حتى ولو هو بالقبر
متعب العتيبي19-Dec-2005, 01:42 AM
شاعر روق
تشرفت باللعب معك
شاعر وجزل بيض الله وجهك وتصبح على خير
شاعر روق19-Dec-2005, 01:43 AM
الياارتفع ضغط العرب من غير شي اكبر حرام=وان كان جا منا سبب قلنا السموحه والعذر
وانته من اصحاب السمينه جعل جدك للرحام=هذا الختام وخلق ربي في شقا الا ماندر
شاعر روق19-Dec-2005, 01:45 AM
الثعلي الاول
الف الف شكر على رحابة صدرك وسعة بالك
والاخذ والعطا معي وهذا املي فيك وفي الطيبين شرواك
لك مني خالص الود والاحترام
((الدلبحي))19-Dec-2005, 01:46 AM
الثعلي الاول
صح السانك والله يحييك وشاعر الروقه تسلم على العب الجزل
تحياااااااااااااااااااااااااااااااتي
شاعر روق19-Dec-2005, 01:48 AM
الدلبحي
سلمك الله وحضورك وحضور الطيبين شرواك تشريف
متعب العتيبي19-Dec-2005, 01:50 AM
الدلبحي
الله يبقيك
تسلم وتحيا ومشكور على مرورك وحضورك
الايداء119-Dec-2005, 11:33 PM
,
الثعلي الأول
شــــــــــاعر روق
أمتعتونا بالطاروق الطيب
والله يعطيكم العافيه على هالمحاوره...
فيصل المسعودي19-Dec-2005, 11:48 PM
الثعلي الأول
شاعر روق
صحت السنتكم يالغالين
امتعتونا بهذه االمحاوره الممتعه
لكم تحياتي
متعب العتيبي20-Dec-2005, 05:39 PM
متعب العتيبي20-Dec-2005, 05:40 PM
المسعودي فيصل
ياهلا بك وصح بدنك
لاهنت
بن دريميح20-Dec-2005, 06:51 PM
شاعر روق
والنعم والنعم وصح لسانك يالشاعر المبدع
ولايهون الثعلي...........
لكم كل التحيه
تحياتي
شاعر روق20-Dec-2005, 09:06 PM
الايداء
مشكور وحضورك ينومس
شاعر روق20-Dec-2005, 09:07 PM
فيصل المسعودي
حياك الله يافيصل ولاهنت
شاعر روق20-Dec-2005, 09:13 PM
ابن دريميح
ماعليك زود وشكرا على هذا الاطراء
متعب العتيبي05-Apr-2006, 10:21 PM
شاعر روق
والنعم والنعم وصح لسانك يالشاعر المبدع
ولايهون الثعلي
لكم كل التحيه
تحياتي
بن درموح هلا وغلا
حياك الله
والاسم ع
متعب العتيبي05-Apr-2006, 10:22 PM
شاعر روق
والنعم والنعم وصح لسانك يالشاعر المبدع
ولايهون الثعلي
لكم كل التحيه
تحياتي
بن درميح
حياك الله
والاسم المستعار تم تعديله للاسم الحقيقي
شكرالك
يوسف السيحاني05-Apr-2006, 10:52 PM
صح اللسانك يا شاعر روق ويا متعب العتيبي
والله محاوره قووووووووي
وحلوه
ش2000ـاعـر17-Apr-2006, 04:26 PM
0
صح ألسانكم ياشـــعار 000
0
ش2000ـاعـر17-Apr-2006, 04:26 PM
0
صح ألسانكم ياشـــعار 000
0
ش2000ـاعـر17-Apr-2006, 04:26 PM
0
صح ألسانكم ياشـــعار 000
0
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
