-- العتبان وينكم احيوا --

بسم الله الرحمن الرحيم
السلام عليكم ورحمة الله وبركاته

ابد ماهو منتدى الهيلا اللي نعرفه
من كم يوم لاحركه لاحس احيوا

-----------------------------


ياعتيبه منتداكم طاح يبغى من يشله = لاتطيح السمعه اللي برقها فالليل لاحي
من غلاكم جيتكم وابوي معروف محله = يوم قيل اللي ضما يارد على الجم القراحي

وعليكم السلام ورحمة الله وبركاته واستلم لاهنت





يامحمد منتدى الهيلا ماجايِ فيه خله=سمعته يم النجوم ولا تجي يم البراحي
كان صادق يامحمد في كلامك قول والله=وانت رجلِ من رجالِ تعشق الوضع السياحي

ارحب

شلونك على هالمده


كان صادق في كلامك ياعساه ويالعله = بس من حقي عليك تجيه من كل النواحي
الخضوع لغيررب البيت يالروقي مذله = وانت رجل مجلسك مفتوح وتحب الصلاحي

السلام عليكم ورحمة الله وبركاته
محمد بن راشد
شـــــاعر روق
مساكم الله بالخير
صحت السنتكم
واصلو لاهنتوووووووووووو
تقبلوا تحيات
سلطان الحافي

ارحب


ياسلطان



تواجدك اسعدني



حي هالصوت

انا موجود يابو راشد وبخيرو انت بشرني عنك


صادقِ في كلمتي وانته عسى دربك تدله=ياعميل واجبك قدِر على النيران فاحي
ابشراني دوني حدي مشهرِ سيفي واسله=والضيوف الها مقام وللعدى سمِ ذحاحي

الله الله صحت السنتكم جميع

بداية قويه بين علمني من اعلام المحاورة


واصلوا وحنا متابعين

.
..
الشاعر ابو راشد
حياك الله يالغالي
وصح لسانك مليووون

شاعر روق
هلا بك يابن العم
وصح لسانك مليون ونص:)
كفو والله تسد فـ..الميقاف عن عتيبه كلها

وعليكم السلام ياسلطان


وحضورك ينومس لاعدمتك



تقديري

ابن مشيب


ياهلا وغلا وجود الصف يالقرم لاعدمناك


دمت بخير

راس حربه


صح بدنك ولا عليك زود يالغالي


تقديري وشكري

انت قلي من متى في خاطرك ضيقه وغله = خل قدرك لك وانا لارحت ماصوبك مراحي
ردسيفك في محله وان بغيت الصدق خله = اذخره للحزه اللي مابهاظحك ومزاحي

ابن مشيب


ارررررحب


حظورك اسعدني

راس حربه


كيف الحال


واشكرك على الحضور

خاطري مسرور دايم وانت في خاطرك عله=ودك تروح لدارِ قومها دايم شحاحي

كان جايِ للمزوح وتحسب ان الامر فله=روح عنا يم ناسِ يلعبون قرين ضاحي

من يضيق من الصحيح يضيق -- سلال يسله = مابغيت تطمن العالم بحيا للفلاحي
لوتجر الصوت لكن طلتك ماهيب طله = جيتنا ماكنك الا الطير مكسور الجناحي

مايصح الا الصحيح ولا نجيب الا الادله=عقب جاك العلم مني مثل زرقات الرماحي
صوت ذيب وفعل ذيب وقلبك الخايف يتله=كنك اللي مع طلوع الشمس هزله ماتتاحي

مايصح الا الصحيح اللي على مذهب ومله = لاتحاول في فالجبل ترى الجبل ماهويزاحي
لاحشا في تالي الايام لابله لابله = لامحاله واصلك ولا مايكتب لي نجاحي

الجبل طيارة الكبتن على راسه مطله=ثم دكه واصبح العالي كما الحزم السماحي
كيف تاصل وانت حلقك من طرف ريقك تبله=وان قربتك قمت تبعد ثم جريت الصياحي

كبتنك حومه كذا ولاعظامه ماتشله = ان ذبحناه المسا ولا ذبحناه الصباحي
مالك الا تنتحرولا تحول لك مظله = يكفي انه من كلامك واظح منتا بصاحي

وابك انا الكبتن ومافي بطنها فوقك تهله= وابشر اني من بعد هذي تعلقت الوشاحي
الكلام اللي نقوله ثابتِ مثل الاهله=وانت عقلك ياولد راشد له اسبوعين ماحي

وانت ولا هو من اخطى الدرب ولا زل زله = حط مافي بطنها وابشر بدكتور جراحي
مابقا الاتتجه يم الجريده والمجله = عادنا نهرج ياشاعر روق معك السد باحي

ياحليل المعرفه كنز الوجيه المسفهله=والجهاله كنز رجَالن مايقوى للكفاحي
مابقى الا اقول سقف البيت خلك تحت ظله=لا تعرض للهبايب والعواصف والرياحي

ياسفير العزوه اللي تعقد الحبل وتحله = هكذا لعب العصيمي والزلامي والرياحي
مابقاالا يذن المذن وصل الفجرصله = والمعذره كان به زله ونطلبك السماحي
لنا لقاء

ماقصرت

والقصور عنك بعيد


والعذر والسموحه لن كان فيه قصور


الى اللقاء

الله الله

صح لسانك يا محمد راشد

والمنتدى ماشي على نور الله ...

وصح لسانك يا شاعر روق

خير من يذود عن المنتدى ...

لا هان الجميع ...

فيصل

ياسلام عليك شاعر روق:)

,

,

صحت الألسن والأبدان يالشعار

محاوره قيمه لعلمي من أعلام شعار المنتدى ,,,

فيصل الثبيتي

ابن مداعيل


الايداء


صح ابدانكم جميعا وشكرا لكم ولجميل حضوركم


اخوكم