06-Oct-2006, 11:46 PM
شاعر الحمكة
عبدالله الطلحي
معوّض خير ياحيٍّ تهقوى في الزمان ومال =سنينك لو رقيت بعدلها يطرحك مايلها
تعلـّم واعرف انّ الدرب قدّامك سهَل وجبال = جبال تطـُولها وجبال بعيونك تخايلها
ومعوّض خير يا حيٍّ ورَدت الما بدون حبال = يطول بك الوقوف وشربة الما ما تحصّلها
وقوفك عند راس البير ما يسقيك لـو فنجال = ولا ينفعك شوف الجَمّه اللي ما انت طايلها
ومعوّض خير ياحيٍّ خدَعك من الرجال اشكال = تشوف اشكالها وتحطـّها ارفع من منازلها
تعلـّم من زمانك لا تصير من اجهل الجهّال = ترى في كل يوم تجيك عِبره لا تجاهلها
إذا ربي وهَب لك عقل تلقى في الرجال رجَال = تعَرف اللي يطلـّع قيمتك واللي ينزّلها
ترى من بعض ما يندِي الجبين ويحرج الرجّال = ليَا ساق الميانه في نفـوس ٍ ما تقبّلها
ومهما شفت في صاحبك من نخوه وطِيبة فال = ترى بعض السجايا كثرة الإلحاح يقتلها
معاريف الرجَال ديُون وديُون الرجَال ثقال = ليَا صرءت امتعافي ليش تغرق في جمايلها
رصيدك في حياتك سُمعتك مع طيّبين الفال = رجَال الطِيب والمعروف بالمعروف عاملها
وَلا تبدي بجاهك فـي مقام ٍ ما يسرّ الحال = ولا تشفع لناس ٍ ما تنومسك بفعايلها
ليا جاتك تعَذّرها مادام العذر له مدخال = ووقت الجدّ قول الـها الصحيح ولا تجاملها
وخذ مني نصيحه لا تصدّق كل ما ينقال = يجرّك للنميمه لين يطرحك بحبايلها
يجي لك ناقل النمّات بهروج ٍ تغث البال = سوالف في قفاك وحظك اطيب يوم تجهَلها
يبرّر بالحَميَّه والصداقه شينة الأفعال = يجمّل صورته بعلومه اللي ما تجمّلها
ولو كانت حميّه فيك ردّ المخطيه في الحال = وَلا كان إستمَعها في قفاك وجاك شايلها
ترى من جاب لك ودَّى وهذي عادة النقال = يحاول يقتنص من فمك كلمه لأجل ينقلها
ومثل ما قال عندك راح عنـك وعند غيرك قال =وزوّد عشر فوق الكلمه اللي كنت قايلها
تجنـّب مجلسه لا تجلس إلا مع كريم خـصال = تحمّل ميلته وان ملت مَيلتـك يتحَمّلها
وَلا تصبر على الجار الردي لو هي ثلاث لـيال = تضرّك جـِيرته لو كان بيبانك تقفـّلها
وبـِيع الدار بأوّل سومةٍ تـُعرَض على الدلاّل = ورزقك عند ربٍ كاتب اللقمه وكافلها
وبنتك لا تزوّجها الردِي لو هو كثير المال = تربِّيها على الطالات وتشوّه سلايلها
وكم من لاش يرمي خيبة إبنه فوق راس الخال = لو انّ الخال من رُوس الرجَال ومن دلايلها
ليا منـّك عرَفت تـميّز الطيّب من البطـّال = وفادتـك التجارب في الحياه وفي مسايلها
وكشفت الفرق ما بين الصحيح وحِيلة المحتال = وتعلـّمت الفِراسه في الوجيه اللي تقابلها
بعَد هذي ترى ما لك غنى عن صحبة العقـّّال = يدلـُّونك برايٍ ٍ ينقض الدعوى ويفتلها
يقولون الرجَال اللي سوالفهم حِكم وامثال = ليَا من ضاعت الحِيله يدلّ القوم عاقلها
نصيحة واحدٍ جرّب وشاف من الزمان اهوال = يقدّم لك خلاصة هجرةٍ جرّب هوايلها
عبدالله الطلحي
معوّض خير ياحيٍّ تهقوى في الزمان ومال =سنينك لو رقيت بعدلها يطرحك مايلها
تعلـّم واعرف انّ الدرب قدّامك سهَل وجبال = جبال تطـُولها وجبال بعيونك تخايلها
ومعوّض خير يا حيٍّ ورَدت الما بدون حبال = يطول بك الوقوف وشربة الما ما تحصّلها
وقوفك عند راس البير ما يسقيك لـو فنجال = ولا ينفعك شوف الجَمّه اللي ما انت طايلها
ومعوّض خير ياحيٍّ خدَعك من الرجال اشكال = تشوف اشكالها وتحطـّها ارفع من منازلها
تعلـّم من زمانك لا تصير من اجهل الجهّال = ترى في كل يوم تجيك عِبره لا تجاهلها
إذا ربي وهَب لك عقل تلقى في الرجال رجَال = تعَرف اللي يطلـّع قيمتك واللي ينزّلها
ترى من بعض ما يندِي الجبين ويحرج الرجّال = ليَا ساق الميانه في نفـوس ٍ ما تقبّلها
ومهما شفت في صاحبك من نخوه وطِيبة فال = ترى بعض السجايا كثرة الإلحاح يقتلها
معاريف الرجَال ديُون وديُون الرجَال ثقال = ليَا صرءت امتعافي ليش تغرق في جمايلها
رصيدك في حياتك سُمعتك مع طيّبين الفال = رجَال الطِيب والمعروف بالمعروف عاملها
وَلا تبدي بجاهك فـي مقام ٍ ما يسرّ الحال = ولا تشفع لناس ٍ ما تنومسك بفعايلها
ليا جاتك تعَذّرها مادام العذر له مدخال = ووقت الجدّ قول الـها الصحيح ولا تجاملها
وخذ مني نصيحه لا تصدّق كل ما ينقال = يجرّك للنميمه لين يطرحك بحبايلها
يجي لك ناقل النمّات بهروج ٍ تغث البال = سوالف في قفاك وحظك اطيب يوم تجهَلها
يبرّر بالحَميَّه والصداقه شينة الأفعال = يجمّل صورته بعلومه اللي ما تجمّلها
ولو كانت حميّه فيك ردّ المخطيه في الحال = وَلا كان إستمَعها في قفاك وجاك شايلها
ترى من جاب لك ودَّى وهذي عادة النقال = يحاول يقتنص من فمك كلمه لأجل ينقلها
ومثل ما قال عندك راح عنـك وعند غيرك قال =وزوّد عشر فوق الكلمه اللي كنت قايلها
تجنـّب مجلسه لا تجلس إلا مع كريم خـصال = تحمّل ميلته وان ملت مَيلتـك يتحَمّلها
وَلا تصبر على الجار الردي لو هي ثلاث لـيال = تضرّك جـِيرته لو كان بيبانك تقفـّلها
وبـِيع الدار بأوّل سومةٍ تـُعرَض على الدلاّل = ورزقك عند ربٍ كاتب اللقمه وكافلها
وبنتك لا تزوّجها الردِي لو هو كثير المال = تربِّيها على الطالات وتشوّه سلايلها
وكم من لاش يرمي خيبة إبنه فوق راس الخال = لو انّ الخال من رُوس الرجَال ومن دلايلها
ليا منـّك عرَفت تـميّز الطيّب من البطـّال = وفادتـك التجارب في الحياه وفي مسايلها
وكشفت الفرق ما بين الصحيح وحِيلة المحتال = وتعلـّمت الفِراسه في الوجيه اللي تقابلها
بعَد هذي ترى ما لك غنى عن صحبة العقـّّال = يدلـُّونك برايٍ ٍ ينقض الدعوى ويفتلها
يقولون الرجَال اللي سوالفهم حِكم وامثال = ليَا من ضاعت الحِيله يدلّ القوم عاقلها
نصيحة واحدٍ جرّب وشاف من الزمان اهوال = يقدّم لك خلاصة هجرةٍ جرّب هوايلها
