اقرب شاعر ::::
العـوفي23-Nov-2007, 11:45 PM
الليله الملعبة تضرب تحية = للعوفي وترتعد لاشافته شوف
واللي يبا الرد يالله ان تحية = وليا احتزم ياعرب لايدخله خوف
معجب العتيبي24-Nov-2007, 12:38 AM
الليله الملعبه بألفين نيه=واضن حال العرب بيصير مكشوف
هات الخبر بالحروف الابجديه=ترا السوالف ياعوفي جملة حروف
القرني***24-Nov-2007, 12:49 AM
يا سلام يا سلام
كنت برد عليك ولكن سبقتني
ولكن الله يقويكم
العـوفي24-Nov-2007, 01:14 AM
امعيد القريتين انته سمية = والنجم واضح ومن مدة ومعروف
اخذ الخبر شفت لي بالدرب حية = العبها جلوس وايض العبها وقوف
معجب العتيبي24-Nov-2007, 01:28 AM
الظاهر انك ياعوفي صرت عيه=على المشاكل ياعوفي صرت ملهوف
ماضني الحيه اللي شفت حيه=لو شفتها صرت مثل الطير منتوف
العـوفي24-Nov-2007, 01:51 AM
الظاهر انك تعمدت الخطية = والظاهر اني مجهز بقس وكفوف
يعجبني المعترف باصل الهوية = ويقهرني اللي يقارن سم بسيوف
العـوفي24-Nov-2007, 01:54 AM
بيض الله وجهك اخوي سارح البال
تشرفت وتونست باللعب معك والرد الاخير عندك
وتحيااتي لك
معجب العتيبي24-Nov-2007, 09:29 AM
ياصاحبي لا حشا ماهيب ذيه=لكنّ يمناك اباربطها بالاكتوف
صلاة ربي على خير البريه=والطيب اللي بدا بالطيب معروف
معجب العتيبي24-Nov-2007, 01:20 PM
لاهنت يالعوفي واسعدني اللعب معك
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
