مرزوق العتيبي .. !
السميــــــري19-Jun-2008, 12:33 PM
مساء الخير يابو حمدان ..
أتشرف بطاروقٍ معك ..
يامرحبا ترحيبة الي مبطي(ن) عن شوف أخوه = يزود فالترحيب من زود الغلا اللي داخله !
إن كان مايدري عن اللي في ضميري علموه = قولوا ترى عند السماري علم يمّك حامله
متـعـب المهيدلي19-Jun-2008, 12:35 PM
لااااله الا الله محمد رسول الله حق
هذا الابداع
صح لسانك مليار ولاتسدك
اثر كل مشرفينا شعار
وصح السان مرزوق الابداع مقدمااا مايحتاج شاعر وغني عن التعريف
متااااااااااااااابع لين النهايه
السميــــــري19-Jun-2008, 12:39 PM
يامرحبا .. يامتعب ..
وحضورك هو المكسب .. يالغالي ..
صح بدنك أكثر ..
شكرا لحضورك .. االمتألق ..!
محمد العتيبي19-Jun-2008, 12:46 PM
يامرحبا ترحيبة الي مبطي(ن) عن شوف أخوه
يزود فالترحيب من زود الغلا اللـي داخلـه !
هههه
الله الله الله يالسميري
بيتك هذا منك وانا اباخذه منك وابهديك اياه..
يعني منكم وإليكم والسلام عليكم :D
صح لسانك
وبانتظار العلم مرزوق ..
مرزوق حمدان العتيبي19-Jun-2008, 12:50 PM
دام البقا ياللي له التقدير عندي كلبوه = شي ٍ طبيعي مثل ابن عمي هذا مايجهله
ان كان في راس السماري علم بالله بلغوه = قولوا ترى صاحبك جاهز واللي إتحمله قله
مرزوق حمدان العتيبي19-Jun-2008, 12:52 PM
..
.
متعب الجزاله والابداع
ماعليك زود .. تشرفنا بتواجدك
...
مرزوق حمدان العتيبي19-Jun-2008, 12:53 PM
..
.
صح بدنك يابو مشعاب ...
..
نورت الحته :)
محمد بن غازي19-Jun-2008, 12:56 PM
صحت السنتكم أيه الأخوه الأعزاء ....... أجبرتنا الجزاله على القدوم والمتابعه ... فالكم التوفيق ...... ونحن متابعون ...
مرزوق حمدان العتيبي19-Jun-2008, 01:00 PM
..
.
متابعتك تزيدنا ..سمو يابو غازي ..
.. حضرت واسعدنا حضورك ..
...
مطرح البعارين19-Jun-2008, 01:04 PM
راااائعين
ثنائي الجزاااله والمعنى
ننتظر الابداااع
تقديري
مرزوق حمدان العتيبي19-Jun-2008, 01:11 PM
..
.
مطرح البعارين .. ارحب والحمدلله على السلامه ..
... سعدنا بعودتك ....
السميــــــري19-Jun-2008, 01:13 PM
الناس لاشافوا حكيم العرف والمنطق نصوه = وانا نصيتك يوم شفت لك صفاتٍ كامله
خمسة جمال ولا بعيرٍ ياصحيبي أخطموه = هذا ترى قول الصراحة مانقول مجامله ..!
السميــــــري19-Jun-2008, 01:16 PM
يامرحبا ترحيبة الي مبطي(ن) عن شوف أخوه
يزود فالترحيب من زود الغلا اللـي داخلـه !
هههه
الله الله الله يالسميري
بيتك هذا منك وانا اباخذه منك وابهديك اياه..
يعني منكم وإليكم والسلام عليكم :D
صح لسانك
وبانتظار العلم مرزوق ..
هلا هلا يابو مشعاب .. :)
وانت تستاهل .. وهو مقبول منك ..!
هههه
يعني أنت ماستفدت منه .. هههههه
المهم هو وجودك .. يالغالي
سلطان الجـذع19-Jun-2008, 01:17 PM
,,,
الله الله الله .. صحت الالسنـ
متــــــــــــــابع
,,,
السميــــــري19-Jun-2008, 01:18 PM
محمد بن غازي ..
يامرحبا بالوجود العذب .. صح بدنك ..
.
.
.
مطرح البعارين ..
من طول الغيبات جاب الغنايم ..
وجودك .. هو الثمن ..
..
السميــــــري19-Jun-2008, 01:21 PM
هلا ياسلطان ..
شرفت ولا كلفت صح بدنك .. ..
احمد الزايدي19-Jun-2008, 01:31 PM
مبدعين ولاغرابه
صحت السنـ
متابع الاابداع وأهله
مرزوق حمدان العتيبي19-Jun-2008, 01:43 PM
الرجل يفخر كان وافين المواجيب امدحوه = ياللي قريت الفاتحه ياللي تركت البسمله
هذا البعير اللي تقوله حاسب اللي رشحوه = ياليت بعض الناس بين الناس ماساق اجمله
مرزوق حمدان العتيبي19-Jun-2008, 01:44 PM
..
.
ارحب يالاسطوره متابعتك مكسب..
لاهنت ....
مرزوق حمدان العتيبي19-Jun-2008, 01:45 PM
..
.
حياك الله يا احمد ولاعليك زود
.
...
فهد صقر الغنامي19-Jun-2008, 03:28 PM
الله اكبر
حضر مرزوق والسميري
فحضر الابداع بكل ماتحمله هذه الكلمه من معنى
واصلوووا ايها العمالقه
متاااااااااابع لاخر قطره احم احم ( اقصد قاف ) <<<< ضميان هههه
