لكزس ونيسان

لكزس ونيسان


أركب على اللي كنه مزون ربان
شاشه وتحريك المراتب وحساس
جيوب لكزس كلها ذوق وجنان
تشهد لها عشاقها أصناف وأجناس
من لامني في حب لكزس ونيسان
سوت تحدي حكمها كلمة الناس
عبه وتله لين طخفه ودفنان
ورده على عفيف زاير وعساس
يرشدك بالتوجيه تصميم وأتقان
وأن قرب أصفار الخطر دق الأجراس
أخذ الطريق اللي يمربك طينان
والمجمعه وأم الجماجم وهباس
أنص الرجال اللي بها قوم شجعان
وعده على مجلس موقت بقرناس
أهل الشبب في كل حله وميدان
أنشد عن اللي فعلهم دوم نوماس
لاقلت ويش أنتم يقولون عتبان
ذباحة الحايل على طبعهم ساس
كل القبايل قدهم دون حقران
والطيب وأهل الطيب في يسر وأتعاس
أسرح صلاة الصبح من غير نسيان
رايق ومرتاح الخواطر ونبراس
عقب هذيك الديره اللي لها شان
في جوها ريح النفل جاك نسناس
أرتح ليا جاك التعب كان طفشان
رتب أمورك لا تجي وأنت محتاس
الهيل دقه وأعبره جوف رسلان
الدله اللي بنها فوق محماس
أليا مشيت الليل والوضع بك زان
أخذ الحذر من كل حمران الأكداس
لاتصبح إلا وأنت في وسط عمان
وش يحفظ العذال من بطش الأنجاس
سلم على ذاك العرب دون نقصان
وضح لهم ذيك الأمانه من الراس
أخذ الخبر وأنته مجهز وعجلان
لو تكتبه زين العذاري بكراس
عطنيه في درج الملكزس بليهان
ماعاد لك في وسط الأجناب مجلاس
ودي أشوفه لو بصوره ولو كان
أن قال وسط الظرف سري فلاباس
معك السلامه دايمه ياكحيلان
في رجعتك رديت بالروح الأنفاس


الشاعر حمود عبيد العازمي

صح السااااااااااااااااااانك

صح لسانك حمود

,,


صح لساانكـ مليون ولا تهون,,

صح ابدانكم واحد واحد عساني لاعدمتكم يشرفني تواجدكم لانكم اصحاب الخبره ومن غيركم ماكأن شي قد كان

صح لسااااااااااااااااااااااانك

تحياتي لك

صح لساااااااااااااااااانك مليون

وماذكرتهم في القصيده يستاهلون