سلامات ...

السلام عليكم ورحمة الله


في ليلة من ليالي الوفاء احتفالا بسلامة الشيخ عواض بن هضيبة
كانت لي هذه المشاركة :

سلام من راس يروز الطويلات
وادلال فكره للنشاما سكبها
امصلحه بالعرف ماهي دعايات
على هجوس نارها من حطبها
ايسوقها لاهل الوفا والشكالات
ويصبها للي بفكره شربها
سوق العتيبي للبكار الاصيلات
اللي تسجل فالمزاين نسبها
وان صحت في لابة اهجوسي ولا جات
هذي عساها غلطة مارتكبها
لا والله الا فرعت عشر وميات
ياطيبها لا جات حزة طلبها
جينا يابو خالد نقلك سلامات.
في حفلة مطروح لجلك شببها
ياشوق راعية العيون الكحيلات
اللي تذري خدها في هدبها
سلامتك لو هي بخشم الريالات
قاموا لها ربعك وكانوا سببها
لكنها جاتك من الله جمالات
يومن راع العافيه لك كتبها
تلقالها في عيون ربعك علامات
العزوه اللي كلنا نفخر بها
عزوة الاد مروح اهل الصعيبات
اللي على النجدين ماحد غلبها
العام لابن سعود قدمنا الاثبات
في وقفة كل الربعي حسبها
يومن ابو متعب زبون الونيات
جته العوافي طايعه ماغصبها
واليوم نثنيها في حفل الهضيبات
وانعيدها وانزيدها وانخضبها
حتى يقال ان الشعر حي ما مات
وانوصله لحدود مغترة ابها
وان قيل هذي سابع المستحيلات
اقول شرهتها على اللي كتبها
وصلوا على المبعوث خير البريات
شفاعته عنا الجحيم اتحجبها