مطلـــــق الصـــــــانع الروقي

مطلق الصانع من الروقه من عتيبه ولهذا الشاعر مجموعه قصائد واخترت منها عده قصائد عندما اتجه الىآ ال ربيعان الى الشمال وصارو بعيدا ويتمنىآ عدم فرقاهم ويذكر شيئا من صفاتهم حيث قال :


ياداوريــــن اللي ليـــا جيـــت شبــــــو =نـــــــار توقد والحطـــــب في سنـــــــــاها
ان جيـــــت ادور نزلهم ماتغبـــــــــــو =نجورهـــم يوحــــــــــي الخلاوي عـــواها
شدو من القلبــــــــــــان ثم استغبـــنو =في عبلــــــــه خشم الينوفي وراهــــــــــــا
ياطول ماهم فيــــــــك يانجـــــد عبــو =الى اختلــــط عشب المسايــــــــل وماهــــا
من مزهــــــــبه البارود دقــو وصبو =واهل الرمـــــــك كل يوم يقــــوم وحـــذاها
كـــم واحـــــد في معتلجهــــــن كبــو =معشىآ الطيور اصبــــــح بعدهم عشــــاها
ابغض من ابغضهـم واحب من حبو =دار تبعــــــــــدهم يصـــــــــــىآ سمــــــــاها

والثانيه يرثي بها الفارس المشهور الشيخ حباب بن زريّبــه من امرا الروقــــــه ويقول فيها :


هواجس جتني والاســــلام هجــــــاع =يشدون ورد الحاج فوق البرودي
بغن لهن من بين الاضــــلاع مطلاع =وحجرتهن حجر الفرس للقعــــودي
قامت تقلابــــــني على كــــل الانواع =قلت اصبري لين اني اخذك قــــودي
حباب طبه بهوش تبــــري الاوجــاع =تجلي على الكبد الصدا والسهـــودي
انا اذكر الله بينهم تقــــــــــل فــــراع =في هيه والملـــــــح مثل الرعـــودي
من فوق صفرا تاخذ الخـــــد مذيـاع =الله خلقهـــــــــا درقـــه للشــــــرودي
لا ارخى لها المصراع واقفن شراع =هجيـــج صيـــد مع بطين النفــــودي
لا هف من راس النقــا شبـر وذراع =يازينهــــا على شنقهــــــا تحــــــودي

وقال مطلق الصانع من الروقه...


ولا لي حسايف يو راح ابو نايف =حط امره دونه وابانات وسـواج
شيخ يعرفونه رجـال الطوايـف =لاسيقة العطفه وللجمع سوهـاج
يقعد عن الحمله خشوم رهايـف =ويفرج اليا من الله نوانا بالافراج

وقال ايضاء من بعض الرواه انه قال هذه القصيده :


يا أبو ذراع ذقت أنا مر السهر=من عظم هم بالضمير أحايله
دعسان بن شريان جانا بالخبر =يذكر جموع بالأريخم صايله
يبون دار(ن) دونها ملح القهر=دونه مناعير(ن)تدور الطايلة
يالله يالمطلوب ياعدل النظر=يالخيّر اللي نرتجي فضايله
تعزنا بالكون يامجري القدر=يامالك الدنيا تعدل مايله
سرنامن الفيحا كما مزن(ن)ظهر=ترعد وتبرق بالغضب مخايله
سرنا بصبيان(ن) تتمارا بالظفر=بيوم من الشعرا حلول القايله
سرنا وساروا مثل موجات البحر=وتنطحوهم كاسبين الطايله
دون المحارم دون حلوات الثمر=نروي من الدم الحمر سلايله
أنشد نفود رواق يعطيك الخبر=يوم البطاحي من دماهم سايله
وأقفوا معيفين(ن) كما صيد(ن) نفر=وتزبنو عنا القصور الطايله
وأبن دغيثر طاح منهم وأنثبر=رمح الحبردي عن حصانه شايله
وأبن إبراهيم هرب شوف النظر=رعيب قلب وشاف أمور هايله
حنا شربنا العز والضد إنكسر=والحمد للي مايخيب سايله
الحمدلله مايزلزلناالنذر=ياكود روس(ن) عن متونه زايله

بحث واعداد

عباس مشعل الشيباني

بحث جيد واحب انوه انه ليس روقي من الساس ولكنه صانع من صناع المغايره اللي يقال لهم ذوي عبيد وقد اخرجوهم خارج قبيلة عتيبه كافه

تسلم اخوي عاليم مقامك على المرور الكريم

وهو بالفعل كما قلت ولاكن حينما سمعت الناس شاعريته وفروسيته سمي بمطلق الصانع ولا كان ماصار مشهور ونسب الى ربعه الي كان معهم

تحياتي وتقديري

مطلق الصانع من الروقه !!!!؟؟؟
واعيباااااااااااه ياعباااااس

اشكرك اخوي ضيف الرحمن على المرور الكريم

وعندي مقوله انا تقول ( كلام الثبوت مايموت )

وانا جاي من مصادر ومصدري ابن عمك اذا انت روقي وهو منديل الفهيد ؟

الا اذا تقول انه ليس راوي وانه لا يعرف في الامور شي هذا بينكم وشي راجع لكم بينكم وبين ابن عمكم الراوي وانا عندي اثبات صورت صوره من نفس الكتاب وهذي هي واذا عندك اي استفسار راجع الكتب والمكتبات ياعزيزي
[صورة غير متوفرة]


[صورة غير متوفرة] (http://www.c5c6.com)

اضن الصوره واضحه وانا جاي مع مصادر ياعزيزي

تحياتي للجميع

واعيباااااااااه ياعباااااااااااس

اضنك فهمت قصدي لكن لازلت تكابر.......

انت كاتب مطلق الصانع الروقي .....شفها فوق في موضوعك وهو عنوان موضوعك ...

وانا لاأعلم لماذا ..لازلت تصر ...

واما كلامك عن فروسية مطلق الصانع ..فأقولك فروسية مطلق الصانع خير من فروسية
بعض الرجال المحسوبين على عتيبه ..

وأنا أقولك اسمه مطلق بن سعيد الصانع من صنّاع الروقه .هكذا تكتب وليس ككتابتك(الروقي)

واعيبااااااااااه ياعباااااااااااااااااس

اخي الكريم ضيف الرحمن انا عارف انه صانع من صناع الروقه ولاكن لا ترجع لي ياعزيزي بكلامك هذا ارجع للمصدر فهيد المنديل


تحياتي وتقديري