لا هانت الدوله على كل مجهود

بسم الله الرحمن الرحيم




[صورة غير متوفرة] (http://up17.arabsh.com)



لا هانت الدوله على كل مجهود =افضل ديار الشرق واطهر ثراها

تتعب لنا الدوله ومن زود في زود =وتشهد على حكم الشريعه سماها

حكامها أهل الصيت والطيب والجود =هم نخبة الحكام والله رعاها

حنا فداها فاللقاء كلنا جنود =والبيرق اللي نحمله هو لواها

أنا سعودي وافتخر بآل السعود =اللي سكن باقصى الضماير غلاها

قريت فالتاريخ والحق موجود =وعز الله انه صادقٍ من رواها

تبقى مع الازمان والفعل مشهود =ومستقبل التاريخ في محتواها

سيرة هل العوجا من أسود وفهود =والخيل والسيف المحنك دواها

عبدالعزيز اللي لطم كل نمرود =واعلن على كل الجزيرة ولاها

حظر ليالي سود وايامها سود =واهل الجهل والطاغية في عماها

أحد معه شلفا واحد معه بارود =واللي برمح ودرع واللي رماها

صقل السيوف الحدب واغلال وقيود =واللي حماه الله عرف من حماها

وحد لهم دار بها العز والفود =وكل القبايل ضمها عن شقاها

اطلق مسمى المملكة وارتوى العود =وعقبه عياله كملوا من بناها

تطور العمران في عشرة عقود =وفيها المدارس كل حيا نراها

تبنا المساجد ريحها مسك وعود =وافخم طراز العصر بأعلى غماها

تطبع كتاب الله لاجل كل مولود=متعدد اللهجات للي قراها

يا ديرتي حبك زرع قلبي ورود =ياديرة روحي وقلبي فداها

اقولها للورع والرجل والعود =انتم ظناها حظ من هو ظناها

يالله يالخالق وياخير معبود =تحما لنا الدوله من اللي نواها


ناصر بن محمد الحافي

صح لسانك ياناصر على القصيده الجزلة .. وبيض الله وجهك ..


والله يعز دولتنا على طاعتة..

ولك كل التقدير..

...
.
صح لسانك ياناصر قصيده وافيه
منك يالوافي ...
حفظ الله هذا الوطن وحفظ الله ابو الجميع وحبيب
الشعب ابو متعب .. ووفقه لكل خير ...
...
تحيه .....

صح لسانك ياناصر

الوفاء والجزاله

اجتمعت بهذه القصيده

صح لسانك يالغالي مدد بلا عدد

تقبل تحيات

أخوك

فيصل النفيعي

لا هانت الدوله على كـل مجهـود
0000000000000000افضل ديار الشرق واطهـر ثراهـا


جزله من جزل


صح لسانك


ليتك قلت افضل ديار الارض واطهر ثراهاا

مهب الشرق وبس

صح لسانك قصيدة جزله من شاعر جزل وبيض الله وجهك وسلمت يمناك

صحت ابدانكم جميع والله لايهينكم


اخوكم / ناصر بن محمد الحافي