الاناره طافيه !!!

ياعيونً كل مالدت تشوف=ظلمةً كن الاناره طافيه
ان شكينا ماشتكينا.. يالظروف=ون تعبنا في تعبنا.. عافيه
(يابو نواف) الليالي ماتروف=وش بلاها ماتجي متصافيه
كنها ترقص على دق الدفوف=اللحن صخري والاقسى..قافيه
يالسبايب.. يالرعايب.. يالهنوف=ياعباةً فوق متني ضافيه
والله والله والله.. يالحلوف=ماتجي نفسي عليكم هافيه
يابعد من ضاق صدره.. مايعوف=غير (جمله) في (خبر) يالنافيه
هي كذا ولاكذا يعني..رفوف=شايلتلك من متاعك خافيه
او على ماقيل وينك يالصفوف=دام حشد القوم اصبح (مّافيه)
ليت همي رجّل ماجيله بخوف=يوم (صكاتك يابقعاء) وافيه
المصيبه ماعرفت اللي يحوف=في حماي وماخذ اللي كافيه
حشمتك ( يارجم ) يوم انك تنوف=كيف قالو لك علامك جافيه؟
هي شهادة حق ياذيك الوصوف=والاجابه سرد كلمه شافيه
كان لدت بك عيونك وش تشوف؟=ماتشوف الا اناره.. طافيه!!


الشاعر / محمد العوام

صح لسان الشاعر محمد العوام


وتسلم يابن محمد على الإختيار الموفق




تحيااااااااااتي

؟

تسلم يا ابن محمد قصيده جيده جدا ..

الله يعطيك العافيه