الســـــــلام على الجميع
بندر المرشدي05-Nov-2007, 08:40 PM
السلام عليكم ورحمة الله وبركاته اجمعين ومبروك يالهيلا نجاح الملتقى
والموجود يقرب
سلام تسليم مومن يفتح الباب=واللي على الباب يعطيه الاجابة
يقوله اللي عن الميقاف ما غاب =حاضر وفي وقفته يحسب حسابه
علي فلاح العضياني05-Nov-2007, 09:07 PM
وعليكم بالسلام
والله يبارك فيك
واسمح لي اجاريك
يا مرحبا وانت شاعر تكسب اعجاب=اهل الوفا والمروّه والمهابه
والله ونعمين والميقاف غصّاب=يا طيبكم فالمواقف يا عتابه
بندر المرشدي05-Nov-2007, 09:24 PM
دام البقاء وابتدا لك حرق الاعصاب=ادور الاجودي والله جابه
ما شفت له في سفينة نوح مركاب=يوم ان جو البلد يمطر سحابه
ناصر المرشدي05-Nov-2007, 09:32 PM
ياسلام ياسلام ياسلام
دارت رحى المعركه
متابعه اول باول
وانا في صف :D :D
علي فلاح العضياني05-Nov-2007, 09:50 PM
الزير و كليب و ابو زيد و ذياب=لا جاك واحد يحدّرك الشعابه
الحر الاشقر تعلاّ كل مرقاب= من قبل عهد النبوّه والصحابه
علي فلاح العضياني05-Nov-2007, 09:51 PM
هلا والله بناصر المرشدي
نورت الصفحه يالغالي
تحياتي
بندر المرشدي05-Nov-2007, 10:03 PM
نجد المسمى شهد وديان وهضاب=اعنانها في يدي وقت الحرابه
وين انت يوم اللحى تفخر بالاشناب=والسيف في سلته يفخر نصابه
بندر المرشدي05-Nov-2007, 10:07 PM
ياسلام ياسلام ياسلام
دارت رحى المعركه
متابعه اول باول
وانا في صف :D :D
شكرا على المتابعة
اكيد انك في صف الفالح
علي فلاح العضياني05-Nov-2007, 10:12 PM
يا ذيب ما انته لحالك غيرك ذياب=لاكنّ لا تبخس حقوق الذيابه
انا لعمهوج في يمناي مقضاب=وامرك وانهاك في وقت الحرابه
بندر المرشدي05-Nov-2007, 10:25 PM
مسرع وترم الهدف والرمي ما صاب=انتم وحنا على عز ومهابه
والنعم قول وفعل ماني بنصاب =وامرك ونهيك على جالي عذابه
علي فلاح العضياني05-Nov-2007, 10:38 PM
كل الحقايق ترى في صفحة كتاب= مار انت جا فيك ميله وانقلابه
عز الله انك بطل واحسب لك حساب=لكن كبّ المعايا وش تبابه
بندر المرشدي05-Nov-2007, 11:00 PM
صايبك شكه وريبه ليه مرتاب=ما يلحق الرجل شكــه في ثيابه
لا تعترض يابن فالح غصن الانشاب=ابليس يرقص على صوت الربابة
علي فلاح العضياني05-Nov-2007, 11:07 PM
الله يبيّض وجيه عيال شباب=كلٍ لكسب العلا يشعب ركابه
ياالمرشدي جايكم للحق طلاب=في نهاية الامر سوّيتوا عصابه
بندر المرشدي05-Nov-2007, 11:25 PM
توك تولع لها بالدرب مشهاب=اعرف طريقك على راسك رقابه
ويلك على اللي تحمى لك بمشعاب= بين الاذاني يمكن بك صوابه
علي فلاح العضياني05-Nov-2007, 11:35 PM
ابوي يعنك يوم انه بذل جاب=وابوك ربي يعوضه في شبابه
مال المشاعيب عن قلّتك مجناب=اصبح حلال العرب عندك نهابه
ناصر المرشدي05-Nov-2007, 11:38 PM
هههههههههههههههههههههههههههه
راحت مشاعيب احس فكونا من السلاح
بندر المرشدي06-Nov-2007, 12:08 AM
في ربعت البيت والا بين الاطناب=عينين في راس والدعوى تشابه
اصبح على خير لو خاطرك ماطاب=لاتسبر القاع وتطارد سرابه
