سلام ردية وفا لاهل الوفا مثــــــل الذهب ( الجذع ,المرشدي)

الشاعرين الرائعين

(سلطان الجذع / ناصر المرشدي)

يشرفني اخذ طاروق مع احدكما للفائدة فقط


يا ربعنا اللي ليا صارت صباح وهجاد=انتم دروع الحمى حنا السيــوف الحداد
نبا نـسولف علـى نهج الهدى والرشاد=الحي يحييــــــــك والميت يزيدك غبن


سلام ردية وفا لاهل الوفا مثــــــل الذهب=اما يقوم لها الجذع والا يقوم المـــــرشدي
اللي بهت حق العباد الغافلـــه واللي شذب=ليته يتوب وقبـــل يوم الحشر يذبح له فدي









البواردي ( محمد العضياني )

اللي بهت حق العباد الغافله واللي شذب
ليته يتوب وقبل يوم الحشر يذبح له فدي


الله عليك يامحمد ,,

مبدع مبدع ,,


صح لسانك لين ترضى ,,


وازهل الصف ,,




متابع لكم

ارحب ارحب يا قبلان الدعجاني

صح بدنك يالغالي

حضورك مكسب

والصف يتشرف بك

مبدى جزل

واللي يزينها ويقوم احد المطلوبين قبل يجينا النوم

الليل الليل

رائع يالبواردي

بانتظار أحد المبدعين

سارح البال

الحيران

هلا ومرحبا

الروعة تواجدكم لاهنتوا

شاكر مروركم الكريم

اللي يجيب العلوم الطيبه ماعليه
وان قال قوله على وضح النقى يحتميه
الكلمه اللي تضيق خاطره ماتجيه
والحي يحييك والميت يزيدك غبن



يامرحبا واللي يجي منا يكمل فالطلب=ياجعل يفدانا الردي ياجعل يفداك الردي
مالك دخل ياصاحبي فيما حصل بين العرب=نصيحتي خلك بعيد اعن المشاكل ياجودي

الله الله...............
اشهد شهادة حق تستحقون المتابعة

مانورد الا العلوم الثابته بالديليل=مار احتسب للمساري والطريق الطويل
لابد حملتك ماتسري بها يا شعيل=الحي يحييك والميت يزيدك غبن



دام البقا وانتم كرام وتستحقون الشبب= لكن هقوتكم كبيرة في سهيل وفالجدي
الليث ابو عينً كريمة صاحب الذيب العضب=واحد يبي له طبخ والثاني يبا يندى ندي

ما اقول غير الله يعينك على ماتبي=وانا ادري انك ذكي يارجل مانت بغبي
الحين تمشي مشي وشوي تحبي حبي=والحي يحييك والميت يزيدك غبن


حنا رياجيلن نسيرها على حكمه وادب=وهقواتنا فوق النجوم وعزمنا مايرتدي
كيف الاسد يؤكل ومعه الذيب لله العجب=اللي تجي فالشاص مضربها وهذي فالبدي

اللي نريده ليا قمنا وصلنـــــا مداه=ياللي تناقش علومً مثبتتها القضاه
يا ربعنا كيف جت من صوبكم هالسواه=الحي يحييك والميت يزيدك غبن



ما اقول فيك قصور مار الفعل للسيف الحدب=والناس فيها عالمً عند الملازيم تغدي
حفرت حفره في جماد وطحت فيها في رجب= وان طعتني ماعاد ينفعك المطامر والعدي

.
..

يا سلام يا سلام

طاروق كايف ولعب كباتن

صحت ألسنتكم

وانا بين الصفين

الديكتاتوري

و

الديموقراطي

والليل يا عتيبه الليل

:)

.
.
.


















تحياتي لكمـ ،،

ارحب ارحب

يا حمد جوباح

صح بدنك ولاهنت

حضورك مكسب ومتابعتك تشرفنا

والله والنعم يالعضيان قول وفعل=والبادي اضلم على ماقال راع المثل
السالفه بيننا يوم انت مالك دخل= الحي يحييك والميت يزيدك غبن

يابو شنب غيرك ليا قر القرير ابوشنب=واسيوفنا لاثارت االهيجاء دمار المعتدي
حفرتك وانت بجوفها طايح على روس الركب=والخاتمه جتني شياطين المحاني تحتدي

يا الاد مرشــد ونعم وسبعة انعامي=وانا على مــوقفي والموقف الزامي
اخوان لاخوانهم يا عيــال الاعمامي=والحي يحييك والميت يزيدك غبن


ان ثارت الهيجاء يابن مرشد تبا تلعب طرب=والله يعين اللي يناح القـــــــوم دونك يا ولدي
النار من يقرب سناها راح من بين الحطــب=وانته تغامر مع صحيبك لين طحتوا في يدي

صاحبك يدحم وجنبه فالمواقف متين=وجنوبنا فالمواقف قاسيه ماتلين
وانتم تعديتوا الخط الحمر مرتين=الحي يحييك والميت يزيدك غبن

ياوالد العضيان مابيني ولابينك نسب=والحرب يبغاله ولد وان قلت قلتك بعدي
تشب نارك يامحمد بس كنك ماتشب=انا وسلطان الجذع نحداك لاقمنا حدي

البواردي


ناصرالمرشدي


ابداع منقطع النظير


صحت الالسن وصحت القلوب



واصلواااا


متابع للفائدة

مستور ماشال سيفه للزلامي رشيد=عــدّ الحقيقة وهذا كل بيت القصيــد
والا على القوم باسه يابن مرشد شديد= الحي يحييك والميت يزيدك غبن



لا لا تبرا يالعتيبي تحت تأثير الغضب= منّا وحنّا نطلب الله كل ليلة تهتدي
ياللي تحج البيت لا تشكي علي من التعب=باقي عليك السعي يا واف الخصايل والهدي

سعود العصيمي

مرحبا مرحبا

صح بدنك وشاكرين تشريفك طال عمرك

علم بها اللي يشيل السيف عصر وضحى=واليوم تشكي علينا بعد دار الرحى
ياجار جيرتك هاذي مثل جيرة جحا=الحي يحييك والميت يزيدك غبن



الحمد لله مالحقني لاملام ولاعتب=لافي في بيوت الشعر يامحمد ولا في مقصدي

حنا نعرف الفرق بين اللي قراء واللي كتب=لكن على راس العضياني صواعق وبردي

جميع الشباب اللي شرفنا بالمتابعه


اقول لهم صح السنتكم وبيض الله وجيهك

ومتابعتك دافع معنوي

ياجار جيرتك هاذي مثـل جيـرة جحـا


ههههههههههههههههههههههههه

ها صح لسااانك مليون يا ناصر المرشدي

شرفت اخوك بهذا القاف وتصبح على خير

محمد العضياني


صح لساااانك صح لساااانك


ماشاء الله عليك كنت مبدع يامحمد


تحياتي لك