17-Apr-2008, 04:30 PM
قصيدتين للشاعر محمد ابن صقيران في الشيخ عبدالعزيز بن جامع رحمه الله
توطئة.
يمين ان العلوم الطيبة وان جات فـي رجـال=فلا هي غير في مثل العريب الشيخ ابن جامع
هذاك اللي يمينه تردف الاقـوال بالافعـال=شهد له في سما نجد المسمـى نجمـه اللامـع
هذاك الشايب اللي وان زمى للفعل قال وطال=يطول ولا حسب زحل المراجل طمعة الطامع
هذاك الشايب اللي وان برك للكايدات اشتال=كتب له سيرة سولف بها الراوي على السامع
بنى له بالنقا والطيب بقلوب العـرب منـزال=كسب صيته بطيبه ما تحرّى رمعـة الرامـع
أنعِّم له ومثله للنعـم يصيـر عـم وخـال=نعم تكسى ملحّى شايب الروسان ابن جامـع
.
.قصيده اخرى
دمعة محب..
جيت للمعنى وانا مانـي خلـي=وابدع القيفان والمخـرج ملـي
ابدع القيفان في ذرب اليميـن=شايب ٍ فيـه المعانـي تصطلـي
تصطلي عزّه وهيبـة وافتخـار=في ثنى شيخ ٍ سنا طيبـه جلـي
شيخ والشيخه تنومس في هذاك=وانشد التاريخ يا مـن تسألـي
راعي الوقفات والراي السديـد=ومن جهل ينشد ويسمع ما يلي
ذاك ابن جامع عمى عين الضديد=راعي الفعـل القديـم الاولـي
ان حضر يوقف حلاحيل الرجال=هو كعام اللي يعقـد ويفتلـي
شايب الروسان كسّاب الجميل=بالوفاء ما له شبيـه ولا حلـي
له مع النوماس ميعاد وحضـور=وفي سجل الطيب ذاك مسجلي
شاع ذكره بالعلـوم الطيبـات=طيّب ٍ للطيـب دايـم معتلـي
شايب في فزعته نِعـم الفزيـع=ما يبدّي شافعي عـن حنبلـي
يورد الفزعات حوض ابشر وسم=ولا يورِّد ليـه والاّ مـا علـي
مجلسه ملفى كريميـن السبـال=مدهل ٍ للطيب نِعـم المدهلـي
مؤمن ٍ حبله مَعَ ربـه جويـد=منهجه نهـج الكتـاب المنزلـي
مع ولي العرش له عهد ٍ وثيـق=حافظ ٍ هدي الحبيب المرسلـي
راح واقفت به صواديف الليال=وكن عقبه نجد من طيبه خلـي
مير اسَآلك يا عظيم ويا رحيـم=جازه بحسنـاك عمـا يعملـي
وثبّته ياخالقي عنـد السـؤال=مقفـي ٍ عنـا ويمـك مقبلـي
جعل ابو خالد بجنـات النعيـم=مع محمد وابن ابو طالب علـي
وجعل ابا القاسم لابوخالد شفيع=يا ولي ٍ مـا لنـا غيـره ولـي
توطئة.
يمين ان العلوم الطيبة وان جات فـي رجـال=فلا هي غير في مثل العريب الشيخ ابن جامع
هذاك اللي يمينه تردف الاقـوال بالافعـال=شهد له في سما نجد المسمـى نجمـه اللامـع
هذاك الشايب اللي وان زمى للفعل قال وطال=يطول ولا حسب زحل المراجل طمعة الطامع
هذاك الشايب اللي وان برك للكايدات اشتال=كتب له سيرة سولف بها الراوي على السامع
بنى له بالنقا والطيب بقلوب العـرب منـزال=كسب صيته بطيبه ما تحرّى رمعـة الرامـع
أنعِّم له ومثله للنعـم يصيـر عـم وخـال=نعم تكسى ملحّى شايب الروسان ابن جامـع
.
.قصيده اخرى
دمعة محب..
جيت للمعنى وانا مانـي خلـي=وابدع القيفان والمخـرج ملـي
ابدع القيفان في ذرب اليميـن=شايب ٍ فيـه المعانـي تصطلـي
تصطلي عزّه وهيبـة وافتخـار=في ثنى شيخ ٍ سنا طيبـه جلـي
شيخ والشيخه تنومس في هذاك=وانشد التاريخ يا مـن تسألـي
راعي الوقفات والراي السديـد=ومن جهل ينشد ويسمع ما يلي
ذاك ابن جامع عمى عين الضديد=راعي الفعـل القديـم الاولـي
ان حضر يوقف حلاحيل الرجال=هو كعام اللي يعقـد ويفتلـي
شايب الروسان كسّاب الجميل=بالوفاء ما له شبيـه ولا حلـي
له مع النوماس ميعاد وحضـور=وفي سجل الطيب ذاك مسجلي
شاع ذكره بالعلـوم الطيبـات=طيّب ٍ للطيـب دايـم معتلـي
شايب في فزعته نِعـم الفزيـع=ما يبدّي شافعي عـن حنبلـي
يورد الفزعات حوض ابشر وسم=ولا يورِّد ليـه والاّ مـا علـي
مجلسه ملفى كريميـن السبـال=مدهل ٍ للطيب نِعـم المدهلـي
مؤمن ٍ حبله مَعَ ربـه جويـد=منهجه نهـج الكتـاب المنزلـي
مع ولي العرش له عهد ٍ وثيـق=حافظ ٍ هدي الحبيب المرسلـي
راح واقفت به صواديف الليال=وكن عقبه نجد من طيبه خلـي
مير اسَآلك يا عظيم ويا رحيـم=جازه بحسنـاك عمـا يعملـي
وثبّته ياخالقي عنـد السـؤال=مقفـي ٍ عنـا ويمـك مقبلـي
جعل ابو خالد بجنـات النعيـم=مع محمد وابن ابو طالب علـي
وجعل ابا القاسم لابوخالد شفيع=يا ولي ٍ مـا لنـا غيـره ولـي
