اللي يسبون سيد الخلق وأصدق بشير

بسم الله الرحمن الرحيم..

الاخوه الافاضل اعضاء منتديات الهيلا..
إليكم هذه المتواضعه في رسول الرحمه صلى الله عليه وسلم
وهذا اقل مانقدمه للدفاع عن صفوة الخلق..


نوادر الفكر في مدح البشير النذير=تميزت عن سواها وأتقنت دورها
ماتضرب الا بسيفاً من حديد وشطير=يرد كيد العداء الطاغين بنحورها
اللي يسبون سيد الخلق وأصدق بشير=يكرم وتخسى مراقصهم وجمهورها
شفيعنا فيه مانسمع كلام الحقير=اللي يصفق لجاهلها ومغرورها
محشوم من كلمة الحاقد وقدره كبير=ونفديه بأرواحنا احياها ومقبورها
في طاعة الواحد المعبود بأمره نسير=وهدايته حق والقرآن دستورها
إلا ومنها القلوب المؤمنه تستنير=والشرك هزة بيوته وأنهدم سورها
وعباد الأصنام الأول والوسط والأخير=تشتتوا وأختلاف القوم في شورها
عليهم الله نصرك وكل أوامرك خير=يوم العرب بين راضيها ومجبورها
يوم الجهل ضلمته منها يشيب الصغير=والضاميه ياقف الماء وسط حنجورها
في ذيك الايام كان الوضع شره خطير=وتطمع طوال اليدين بحق مقصورها
واراد الأإله نصر الدين وأنت النصير=سبحان من له كنوز الأرض وبحورها
عسى شفاعتك بأمره عتق من زمهرير=في ساعةً ما تفك الناس محشورها
أنت أخر الأنبياء وأنت السراج المنير=يا حامل أغلاء رساله ماطفى نورها
ذكرت عنك القليل اللي وراه الكثير=وأدوس قدر العداء ماراعي شعورها
وأقلامنا لو نسخرها بوصفك تحير=وتجف من حبرها ما وفت أسطورها
لكن مفروش لك بين الحناياء حرير=ماتخلفه دورة الأيام وشهورها
عليك صلى الذي ماله بملكه خشير=وفيك النوادر تباها واتقنت دورها..وسلامة الجميع..

صح لسانك ياحمدان والقصيدة في منتهى الروووعة الله يجزاك خير ويجعلها في موازين حسناتك

اللهم أجمعنا برسولك الكريم في جناتك جنات النعيم

اللهم صل وسلم وبارك على خير البشر ...

وجزاك الله خير ياحمدان ...وبيض الله وجهك ..

وصح لسانك مدد بلاعدد...واله لايحرمك الاجر...

..........

معاند

هلابك وغلا

الروعه مرورك لهذا المتصفح المتواضع


جزاك الله الف خير


شكرا لك مدد

اللهم صلي على سيدنا محمد وعلى آله الطيبين الطاهرين ..

مبدع يالمقاطي مبدع ..

جزاك الله خير

تحيتي
...

اخوي/هايل العتيبي

صح كلك ووجهك ابيض


جزاك الله الف خير على دعوتك


شكرا لك من للاعماق

محمد العتيبي

تشرفت بمرورك العطر بارك الله فيك


شكرا لك من اعماقي