مرثية حزينة للشاعر : محمد بن غازي النخيش في الشيخ محمد بن زايد النخيش

السلام عليكم ورحمة الله وبركاته

مرثية الشاعر : محمد غازي النخيش في المرحوم الشيخ : محمد بن زايد النخيش

للأستماع للمرثية بالصوت :

http://www.flahal-morqe.com/vb/uploaded/69_01249083620.mp3

كلمات المرثية :



طاح ابن زايد وقلنا يالعزيز الدفوع=ادفع صواديف دنيا" كم تحلويتها
سبعة شهورن كئيبه تمتطيها الطموع=وأخبار هالكون لو تنقال ماأوحيتها
أبحث عن أخبار راع الطايله والنفوع=اللي يحل المشاكل في تواقيتها
لاحل طاريه فالمجلس صغيت السموع=لعل أملنا بعافيته عمر بيتها
ندعي جزيل العطا رب المنوع الجزوع=يشفيه وأم العباير فيه كنيتها
واليوم جانا الخبر يقول ماله رجوع=ياللي أمل عودته مثلي تحريتها
اليوم يوم الأحد جانا بعلمن يروع=يقول مات الذي نفسه علا صيتها
شيخن ملك طيباتن من فريد الطبوع=لو أذكر أوصاف شيخ العز ماأحصيتها
شيخن ركن هز بفراقه جميع الجموع=اللي تعزوا بمثله في مباخيتها
شيخن فقيدة جميع الناس قبل الربوع=من طيب فعله دموع الحزن هليتها
خيم علينا من الاحزان حزن صفوع=وبحور الاحزان من فرقاه طبيتها
ياكبر وقعه علينا جوف حدب الضلوع=كن الوسيعات يم الضيق لديتها
ضاقت وساع الصدور وبان ذرف الدموع=ومن هول فرقاه كل الناس مليتها
وشلون ماياقع بفرقاه جل الصدوع=اللي يفتت كيانن صعب تفتيتها
مرحوم ياشيخنا اللي بالمراجل شيوع=يمناك بالطيب كم وكم مديتها
أنا أشهدنك بنيت العز بنين منوع=قولن ذكرته وعند الناس تثبيتها
والله لبطي وقلبي من فراقك يلوع=والله من دمعة طاحت ومشيتها
الله يجعل جزاء فعل اليمين البتوع=جنات عدنن بفعل الخير ناديتها

للتحميل أضغط بالزر اليمين ثم حفظ الهدف بأسم (http://www.flahal-morqe.com/vb/uploaded/69_01249083620.mp3)

ولمشاهدة المرثية من اليوتيوب :

http://www.youtube.com/watch?v=4KAzYoSTYvA&feature=channel_page

رابط آخر للأستماع والتحميل :

http://www.e7trf.com/upload/index.php?action=viewfile&id=68543

الله الله

مرثيه حزينه وصوت حزين

صح لسانك يا ابو غازي

والله يرحم بن زايد وجعل مثواه الجنه

وبيض الله وجهك يا طارق

كل الود والتقدير

الله يرحمه ويسكنه الجنة

ومرثية حزينة فعلا

ويشكر الشاعر محمد النخيش


تقبل مروري يالاامبراطور

مرثيه حزينه وصوت حزين

صح لسانك يا ابو غازي فانت شاعر مبدع

والله يرحم بن زايد وجعل مثواه الجنه

فهو فقيده اعتابه


وبيض الله وجهك يا بو هلال

الله يرحمه ..


وأنا خوك

ولاشك أن القصائد الرثائية تعبير عن الحزن وألم الفراق


جبر الله عزا القبيلة