يعيش الشعب وتعيش الحكومة !!

على الاغصان غني ياحمامه = ولي العهد عوّد بالسلامه
هلا يامرحبا به في بلاده = عدد ما لاح براق الغمامة
هلا يامرحبا تسعين مرة = تراحيبٍ لها شكل وعلامه
عليها الشكل من شكله مقارب = شكل حرٍ على راس العدامه
يابو خالد ترى الشعب السعودي = بلغ فيه الفرح ذروة سنامه
وكلٍ قام باسلوبه يعبر = عسى ربي يجنبنا الملامه
هذا ابو خالد أكبر من قصيده = ولابه حاجةٍ توفي مقامه
لكني با اجتهد واجر صوتي = وابا اسوق الجمل واسحب خطامه
هذا موقف لزوم انّا نحضره = ومن هو غاب ماقلنا علامه
مواطن مايشارك لو بكلمه = نصك الاذن عن باقي كلامه
ياسلطان السعد عودتك طيب = مثل نور القمر ليلة تمامه
من الحد الشمالي للجنوبي = ومن بحر الخليج اليا تهامة
تباشرنا برجعتك وقدومك = عموم الشعب واصحاب الفخامه
وساعة جيت هنينا بعضنا = مجيك عيد يلزمنا احترامه
سنة من فوقها عشرين ليلة = وشعبك ماتهنى في منامه
مغار نقول ياليته واعله = يعيش بعافية مرفوع هامه
نقبل صورة وسط الجرايد = وننشد عنك ياحامى الجهامه
فقدناك ومحلك صار شاغر = وصار الدمع فالخدين شامه
على فرقاك هلينا المدامع = وعشنا ليل لايُنسى ظلامه
عسى الله يحفظك من شر بقعا = وتبقى ذخر في دار الامامه
وصوفك نادرة لاجيت آوصف = يابحرٍ قامته ،، تسعين قامه
ابا اعجز ماوصلت اقصى حدودك = لو ان روحي بمدحك مستهامه
انا اشهد ماش به مخلوق مثلك = ياكود اللي نعرف انك حزامه
ابو متعب زعيم لكل الامه = ليا قمنا نعد اهل الزعامه
عيال الشايب اللي وحد الصف = ونذر عمره لصفه والتحامه
بنى دولة لها قدر ومكانه = عسى الفرودس هي مثوى عظامه
وانا اسف كان طولت والا = حصل تقصير يارجال الفهامه
من الفرحة ترى التعبير خاين = وله حزات مايعرف نظامة
لكن آقول في مبدى كلامي = ومن عرضه وفي قفلة ختامه
يعيش الشعب وتعيش الحكومة = ونبقى كلنا فامن وسلامه

الله واكبر عليك



صح لسانك يامبدع

صح لسانك واعتلا شانك

الله اكبر



ابيات من ذهب ,,


صح الله لسانكــــــــــــــــــــ يبو فهد



ابدعت وليس بغريب عليك الابداع ,,



لآهنت

صح لسانك وشكرا على هاذا القصيدة الرائعة وتقبل تحياتي

ارحب ياسعود




صح لسانك لين ترضى



تحيتي

صح لسانك

وبيض الله وجهك