عقاب العنزي و الدعوى سلامات ...
علي الشهراني18-Jan-2010, 06:01 PM
الا يا عقاب يا عقاب و الدعوى سلامات=عسى شاطي حقل يعترف في طور سينا
انا ما همني كانها راحت و لا جات=عطانا يفقر اللاش لا منّا عطينا
فواز السعيدي18-Jan-2010, 06:02 PM
الا يا عقاب يا عقاب و الدعوى سلامات
عسى شاطي حقل يعترف في طور سينا
طيب طيب
صح لسانك ولسان عقاب مقدما
الليل
علي الشهراني18-Jan-2010, 06:05 PM
فواااز
ارحب تراحيب المطر
مروووورك مكسب و تشريف
عقاب العنزي18-Jan-2010, 06:16 PM
والا ياصاحبي حسبي الله منك بالذات = تحسب ٍ ان الجبل موقعه في كل مينا
ونعم ٍ فيك لكنّ ماشفت إلك مدّات = اذا ناوي تجمّل نبا نبسط يدينا !!
عقاب العنزي18-Jan-2010, 06:17 PM
علي الشهراني18-Jan-2010, 06:31 PM
على الشاطي و انا خوك يا زين الحكايات=حكاياتٍ مضت في قديمات السنينا
على شان الغلا و المحبه و الصداقات=ليا منّا بنينا لا تهدم ما بنينا
سعود البرقاوي18-Jan-2010, 06:32 PM
يامرحبا والله بعقاب
والحمد لله على السلامة
والبركة فالراي السديد
اللي طلبك
متابع
علي الشهراني18-Jan-2010, 06:36 PM
حياك الله يا سعوووود
متااابعتك شرف
مشكوووووور
عقاب العنزي18-Jan-2010, 06:44 PM
والايا تاجر السوق ضيّعت الجنيهات = بعد شفنا بضايعك لابعنا وشرينا
ليا منك بنيت الجدر تلقى معونات = لكن ليا هدمته عليك ولاعلينا !!
عقاب العنزي18-Jan-2010, 06:45 PM
سعود البرقاوي
البقا يالذيب والله يسلمك ويعافيك
..
مخاوي الطير18-Jan-2010, 06:46 PM
يسلام يسلام
مبدعين وصحت الالسن والقلوب ..
.
متابع
.
//
سلطان الجـذع18-Jan-2010, 06:47 PM
...
الراي السديد ... عقاب العنزي ...
صحت السنتكم مبدعين مبدعين ....
متاااااااااااااااابع .
علي الشهراني18-Jan-2010, 06:48 PM
تقوله وانت من قبل ضيّعت المسارات=انا ما همني دام لي جنبٍ متينا
بعد بكره نشوفك على سطح العمارات= تقول الله و اكبر نسينا ما كلينا
علي الشهراني18-Jan-2010, 06:49 PM
مخاوي الطير - الاسطوووره
حياكم الله جميعا
و مرحبا مليووووووووون
حاكم الغنامي18-Jan-2010, 06:51 PM
الله الله
متابع للابداع
صحت الالسن والقلووب
علي الشهراني18-Jan-2010, 06:54 PM
حياك الله يا حاكم
مرووورك مكسب و تشريف
مشكوووووووووووووووووور
حسن إبراهيم الدجيماء18-Jan-2010, 06:59 PM
الراي السديد ..حي هالطلة والله ,.. مبدع ولايلحقك شك وظن ... صح لسانك ..!!
عقاب العنزي ... بيض الله وجهك ... وصح لسانك .. لاتعليق دام الوسام الذهبي عندك ..!!
عقاب العنزي18-Jan-2010, 07:01 PM
انا مارخي سموعي على هرج ٍ بلا اثبات = لو ان برخي تصدق فلا رحنا وجينا !!
بعد بكره تشوف الخبر يملا المحطات = وذكرك يالعتيبي يموت ولادرينا !!
عقاب العنزي18-Jan-2010, 07:01 PM
جميع من قام بالمرور
لاهنتو وبيض الله وجيهكم
تقديري
علي الشهراني18-Jan-2010, 07:07 PM
ليا ما طبل الزيدي و كيّف من القات=على همّه و غمه يقول الله يعينا
يموت الظلم و الحق يبقى حي ما مات=ليا منكم نسيتو ترانا ما نسينا
علي الشهراني18-Jan-2010, 07:07 PM
الدجيما
حياك الله و مرحبا بك
عقاب العنزي18-Jan-2010, 07:15 PM
عجزنا لانميز بوسط الارض الاصوات = تجينا من شمال ومن المغرب تجينا !!
تبا تصنع قضيه ولاتملك قضيّات = سواة اللي مفوّه غزينا ثم خذينا !!!!!
علي الشهراني18-Jan-2010, 07:24 PM
عطينا بالملايين جانا الرد ميّات=ترا الما زاد يا صاحبي فوق الطحينا
ترا ماهوب عيبٍ ليا عدّتك الابيات=عسى ربي يعدل عسايركم بــ لينا
عقاب العنزي18-Jan-2010, 07:42 PM
صح لسانك يالراي السديد وتشرفت بدعوتك ولاهنت
تقديري
علي الشهراني18-Jan-2010, 07:43 PM
حياك الله و بياك
يا عقاب صح بدنك
الى لقاء اخر ان شاء الله
عيد بن مرضي18-Jan-2010, 10:55 PM
الراي السديد - عقاب العنزي
صح الله اااااااااااااااااااااالسنتكم
طارووووووووووووووووووووووق رائع
نايف بن ملحق الثعلي19-Jan-2010, 11:14 AM
الراي السديد ... عقاب العنزي ...
صحت السنتكم مبدعين مبدعين ....
متاااااااااااااااابع
عزوز النفيعي19-Jan-2010, 11:42 AM
الراي السديد 00 عقاب العنزي 00 صحت الالسن والقلوب
علي الشهراني19-Jan-2010, 12:34 PM
عيد بن مرضي
نايف بن ملحق
الصقيل المجرب
لاهنتم جميعا و مشكووووورين
أسير القوافي19-Jan-2010, 01:44 PM
أضع بصمتي هنا لأني معجب بهذا الطاروق :)
صحت ألسنتكم ياعمالقة ..
علي الشهراني19-Jan-2010, 04:35 PM
الله يحييك و مرحبا بك يا اسير القوافي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
