شف بالي يامبارك وين داره = في جنوب الدار والا مشمليني

قصيدةالمغفور له بإذن الله ..
..الشيخ الشاعر/شمروخ بن عجير بن ثعلي


حالف لي دين ما أذوق الزقاره = الزقاره شربها للخايبيني
الزقاره شربها يطلع خساره = خاسرن شرابها دنيا وديني
ويامبارك خل هرجك بالوقاره= والتوايع يامبارك لا تجيني
مشربي بنن ليا زود بهاره = عند ربعن كلبوهم طيبيني
شف بالي يامبارك وين داره = في جنوب الدار والا مشمليني
العهد بحبيبي واتلى خباره = يوم وادعني يقول مسافريني
قلت بالله ركبوني فالغماره = مركبي قدام وانتم خاريني
قال مايسمح وتكفيك الاشاره = وإن سمح حنا ترانا سامحيني
لف قلبي من عشيري لف طاره = لفه السايق يسار عن اليميني
مسرعن سوقه ومبطي عن دياره = واخذن عن ديرته قطعة سنيني
مايذوق النوم ليله مع نهاره = والخطر ياطاه قلبه مايلني
موتره مايلحقه سامك غباره = من يشوفه قال جمس مهربيني
مايحاوج يامبارك نقل قاره = كن جلده جلد هملول الغشيني
واعشيري ماش مثله فالسماره = مثل نجم سهيل يومنه يبني
جعل يغداه أربعن فيهن ساره = فدوتن للحبيبي موض الجبيني
ويادقاق العود يا ناصع جماره = أرحمو قلبن على شوفك حزيني

الله الله الله


قصيده رائعه لابن ثعلي


لاهنت على الانتقاء الرائع يابندر الهيلا ..

تحيتي
..