07-Nov-2010, 11:10 PM
السلام عليكم ورحمة الله وبركاته وبعد :-
يالله في نو(ن) مزونه مزابير= من رحمتك تسق الشجر والعبيدي
وتسق البهائم ياولي المقادير=ياواحد(ن) مامد مد(ن) ازهيدي
باول دخول الوسم غر(ن) مباكير=بمرك تغيث الدار وانت الوحيدي
إلاهنا الوالي وبيدينك الخير=الملتجا لك منك وانت العضيدي
تنشيء خياله بالمساء حزة اعصير=نو(ن) على شبه الجزيرة مديدي
واسبوع مايقدر به الساير ايسير= من قو وبل الغيث وابله شديدي
غيث(ن) غثو سيله يطم النهابير= رحمة من المولى على مانريدي
وحسبة سبع شفنا وجيه التباشير=الأرض مكتسية بثوب(ن) جديدي
ومع مثلهن ثنتين حسبة وتقدير= شبعة عطايا الله ونطلب مزيدي
والأرض غطاها الزهر والنواوير=وكل(ن) بداره مايطر الشديدي
والبادية تسلا بطرد المخاظير=وراع الدبش يصبح ويمسي اسعيدي
حتى تزين التمشية والمسايير=وتحيا بها ذكراً تمر وتعيدي
ويحيى خفوق(ن) فيه مثل المسامير=على زمان(ن) راح علم(ن) وكيدي
وقت(ن) فواته من كبار المخاسير=بطراته وما فيه وأهله نشيدي
واليوم لي في هالزمن نظرة غير=ولاقور(ن) الفاهم بشخص(ن) بليدي
اشوف في ذا الوقت نكسة وتغيير= وشروط امارات القيامة وكيدي
امرر الجمله على السمع تمرير= واعدها للي يبا يستفيدي
كم واحد(ن) يقول انا سالم الزير= أو عنتر أو هو لبن غانم حفيدي
مثل الذي يرجي حليب العصافير= أحداث فلم(ن) في مسلس كوميدي
اعطيت لي عن واقع اليوم تصوير =وأنا مع أهل العرف عرفي رصيدي
ولاقصد بها ناصر ولاقصد منيصير=ولاقصد رشيد ولا أوخيه رشيدي
وسلامت الجميع
يالله في نو(ن) مزونه مزابير= من رحمتك تسق الشجر والعبيدي
وتسق البهائم ياولي المقادير=ياواحد(ن) مامد مد(ن) ازهيدي
باول دخول الوسم غر(ن) مباكير=بمرك تغيث الدار وانت الوحيدي
إلاهنا الوالي وبيدينك الخير=الملتجا لك منك وانت العضيدي
تنشيء خياله بالمساء حزة اعصير=نو(ن) على شبه الجزيرة مديدي
واسبوع مايقدر به الساير ايسير= من قو وبل الغيث وابله شديدي
غيث(ن) غثو سيله يطم النهابير= رحمة من المولى على مانريدي
وحسبة سبع شفنا وجيه التباشير=الأرض مكتسية بثوب(ن) جديدي
ومع مثلهن ثنتين حسبة وتقدير= شبعة عطايا الله ونطلب مزيدي
والأرض غطاها الزهر والنواوير=وكل(ن) بداره مايطر الشديدي
والبادية تسلا بطرد المخاظير=وراع الدبش يصبح ويمسي اسعيدي
حتى تزين التمشية والمسايير=وتحيا بها ذكراً تمر وتعيدي
ويحيى خفوق(ن) فيه مثل المسامير=على زمان(ن) راح علم(ن) وكيدي
وقت(ن) فواته من كبار المخاسير=بطراته وما فيه وأهله نشيدي
واليوم لي في هالزمن نظرة غير=ولاقور(ن) الفاهم بشخص(ن) بليدي
اشوف في ذا الوقت نكسة وتغيير= وشروط امارات القيامة وكيدي
امرر الجمله على السمع تمرير= واعدها للي يبا يستفيدي
كم واحد(ن) يقول انا سالم الزير= أو عنتر أو هو لبن غانم حفيدي
مثل الذي يرجي حليب العصافير= أحداث فلم(ن) في مسلس كوميدي
اعطيت لي عن واقع اليوم تصوير =وأنا مع أهل العرف عرفي رصيدي
ولاقصد بها ناصر ولاقصد منيصير=ولاقصد رشيد ولا أوخيه رشيدي
وسلامت الجميع
