الخرااااص وينه ؟؟؟؟؟؟
ماجد الهذلي17-Apr-2005, 03:18 PM
معليش يالخراص الحرف ضيق فالمجال لاكن تجي فيه بيوت حلوووه
( يعني تبا الصدق ماجا معي غيره ) هههههههه
البيوت تجمع عندي أربع وخمس = يا عتابه تنحواا عن طريقي بعيد
تحمس البن يالخراص فالوقت حمس=وفالمعارك تشابه خالد إبن الوليد
المسرّي17-Apr-2005, 04:42 PM
يا عتابه تنحواا عن طريقـي بعيـد
تكفى فيهم شب عليهم
وانا معك
والليل ساري
ماجد الهذلي17-Apr-2005, 10:20 PM
هلا وغلا فيك يالمسري
تحياتي لك وأشكرك على هذا الوجود والسند
بارك الله فيك
الخــراص17-Apr-2005, 11:32 PM
هلا بك ياماجد
والله يحدك على أقصاك
يامرحبا ياعميلي عد مابان شمس=وإن كان مايكفي الترحيب جبت المزيد
نجمٍ سطع فالمجره جاه قبل أمس طمس=واليوم شفت السما وأشوف نجمٍ جديد
الخــراص17-Apr-2005, 11:34 PM
هلابك يالمسري
تابع وأنت ساكت
تحياتي لك
أشكرك على المرورر
الخــراص18-Apr-2005, 02:33 AM
الأخ ماجد المعذره لم انتبه للحن
أنا لعبت على اللحن القصير
أستلم التعديل
مرحبا ياعميلي عد مابان شمس=وكان مايكفي الترحيب جبت المزيد
نجمك اللي سطع قبل أمس جا فيه طمس=والسما شفتها وأشوف نجمٍ جديد
ماجد الهذلي18-Apr-2005, 02:41 AM
يغشي العين يالأجواد فااالبعد عمس= والبقا وأستلم منا لخضر الجريد
من تعلا يدينك ماأنت لاحقه لمس=لاتحاول تزيد العلم وألا تعيد
((الدلبحي))18-Apr-2005, 02:43 AM
ماجد - الخراص
صح السانكم يالربع وواصلوا وانا من المتابعين
تحياااااااااااااااتي
ماجد الهذلي18-Apr-2005, 03:00 AM
الدلبحي صح بدنك وتسلم
على المتابعه وهي شرف لنا
الخــراص18-Apr-2005, 03:16 AM
خلوووووووووووووووها
أنت رجلٍ عنيد وبان راسك من امس=بس من حارب الهيلا يعود بليد
مار خلك بمكه لا نشوفلك رمس=أو تحمل خطاك وخل قلبك حديد
الخــراص18-Apr-2005, 03:17 AM
الدلبحي
نتشرف بمتابعتك
لاهنت
تحياتي
ماجد الهذلي18-Apr-2005, 11:31 AM
الخراص إستلم
تنتهي صبح وألا بعد ما الليل يمس=رحت وأن مت يالخراص منته شهيد
تجهر القول وألا تنطق القول همس=عندنا انته تبا تــنصاد لا ما تصيد
المسرّي18-Apr-2005, 11:58 AM
تنتهي صبح وألا بعد ما الليل يمـس ** رحت وأن مت يالخراص منته شهيد
انا افداك واصل طال عمرك
اسلم بروحك يالخراص
ههههههههههههههههه
هههههههههههههههههه
الله يعطيكم العافيه ..واصلوا
الخــراص19-Apr-2005, 10:55 AM
خلوووووووووووووووووها
تحسبون الهمر يـ هذيل فالليل جمس=بس ريح ضميرك ماش شيٍ فريد
فالعرب رجل طيب وأنت رجال ِنمس=ثوبك اللي لبسته ياعميلي يبيد
الخــراص19-Apr-2005, 11:24 AM
المسري
هلا والله ومرحبا
أشكرلك طيب المتابعه
تحياتي لك ولاهنت
ماجد الهذلي28-Apr-2005, 01:58 PM
الخراص تشرفت بالمحاوره معاك
وتسلم والجيااااااااات أكثر ؟؟
( يعني أحسب حسابك من الأااااان ) ( حط ني فبالك ) !!! هههههه
الخراص
شكرا ً على هذا الوجود الرااائع
مرزوق حمدان العتيبي28-Apr-2005, 05:49 PM
ماجـــد
والخراص
بيض الله وجيهكم...
على هالابداع الغير مستغرب..
صحت السنتكم...
كل الود
الخــراص01-May-2005, 01:24 PM
الأخ ماجد
الشكر لك انت
والشرف لي أنا باللعب معك
تقبل تحياتي
الخــراص01-May-2005, 01:26 PM
الشاعر والأستاذ/ مرزوق العتيبي
مرورك عطر الصفحه
الف شكر ولاهنت
تحياتي لك ولكل الأعضاء
