القلب صندوق الضماير والاسرار

لسلام عليكم ابيات انمني ان تنال اعجابكم وهي تعبر عن ما بداخلي

القلب صندوق الضماير والأسرار
والصبر مفتاح القلوب الحزينه

والفكر ميدان الأصيلات الأحرار
وأنا بنات الفكر عندي رهينه

الها على بدع الجزيلات مضمار
أسرجت منها الغاليه والثمينه

أسرجتها لاعاد تنشد عن اخبار
رح والخبر تلقاه وسط المدينه

الجار جنب الجار مايعرف الجار
تقول كنه ذابحن والدينه

قصه حزينه للجفا خير تذكار
وصمه علي وجه الزمان وجبينه

لو أتعذر مايفيدن الأعذار
ضاعت حقوق الجار يالله تعينه

ضاعت حقوقه بين لفه ودوار
يغيب مده محدن قال وينه ً

وصا رسول الله على الجار لوجار
وجبريل وصابه ما بينه وبينه

وظن انه يورثه ميراث مقدار
من كبر حق الجار يا جاهلينه

وماضاع حق الجار في سلم الاحرار
عاشو ظروف الوقت شينه وزينه

يوم الزمن يقسي على طيب الكار
ومن الغبن تصفق يساره يمينه

مجلاسهم واحد على شبت النار
والنجر يجذبهم لادندن دنينه

ومن دون عرضه ترخص اموال واعمار
مقدرن ما والله احدن يهينه

سلطان المقاطي
1/4/1433

صح لسانك



لاهنت

..


صح لساااااانكـ مليون..

صح السانك ياسلطان وبيض الله وجهك قصيده جزله وهادفه تشكر عليها

قيس العازمي

صح بدنك

مرورك شرف.

الاخ القدير محمد الذيابي

تشرفت بمرورك

وصح بدنك. ملايين.

الشاعر عثمان الثبيتي

وجهك ابيض.

ًلاهنت يا عثمان
الاروع حضورك. الكريم.

صـــــح لســــانـكـ

صح لساااااااااااااااانك

تحياتي

الشاعرا لكبير. فيصل مطر

شرفتني بحضورك

وصح بدنك يا الغالي

الشاعر عايض جزا.

مرورك شرف

وصح بدنك

شاكر ومقدر

تحياتي