هل البل

لا واعذاب البل من كثر اهلها = هذا مهملها وهذاك دوٍار
وهذا سجنها فالشبوك وعزلها = وهذا وراها بالبواري والانوار
وهذا شراها ماسال عن فحلها = وهذا يبي له ناقه ٍ تنتج حوار
وهذا عرضها للزبون جملها = والمشتري يعطيه باقل الاسعار
واللي شراها يوم الاولاد ولها =واللي شراها يوم الاولاد شطار
واللي يعاملها وفعله دبلها = تجزم على انه قبلها كان حمٍار
وهاذيك ريميه وهاذيك بلها = وفي وصفها اكبر من مهرج وثرثار
والبل ضاعت يوم كثروا شللها = اهل الغنم واهل المعز واهل الابقار
والمترف اللي لو سرت ماعقلها = يبغى بها شهرة مع الربع واذكار
وبكره تضيع ولايميز هملها = والا يبيعون المزايين جزار
ياكل لحمها ثم يدور بدلها = ياخذبها مع وجهة الربع مشوار