العتبان في كل بلاد الدنيا

الانتر نت قرب العيد و وصل المقطوع وسهل الصعب

اعلم ان هناك الكثير من افراد قبيله عتيبه
على بيل المثال لا الحصر:
1- الاردن
2-فلسطين
3-الكويت
4-قطر
5-الامارات
6- امريكا

وانا اعني ان هؤلاء مواطنون في دولهم
نحن نريد من هنا التعرف على كل عتيبي يسكن خارج نجد والحجلز

اعتقد ان اكثر العتبان المهاجرين في الكويت

هلا والله بالاصوم ...
فلسطين ..الأمارات ...الأردن ..الكويت ...قطر ..كلهم معروفين ..
....بس وش تبي امريكا قـــــــــــــــــــــاطه معاهم؟؟؟؟!

توني الاحظ امريكا :) ... مالقيت الا امريكا

شباب انتم شفيكم مستغربين..
ايه امريكا على فكره ترى فيها واحد شيباني لا ويشتغل عمده (شريف) للقريه الي هو فيها هذا له اربعين سنه عاد فيه ناس واجد من قريب استقروا هناك..
والشيباني الشريف هذا سالفته سالفه...
لقوه شباب سعوديين يدرسون هناك كانوا مسافرين بالسياره ومروا على هال قريه وقالوا يبون يريحون في مطعم من مطاهمها الرجال شافهم وعرف انهم سعوديين وقعد نشدهم انتم من اي القبايل وكان معهم واحد عتيبي قاله انت وش تعرف من القبايل قام الرجال يعدد له استغرب العتيبي قاله ترى انا شيباني ولي في هاديره اربعين سنه المهم حلف عليهم بالعشا قالوا انا مستعجلين قال انا شريف القريه ولا ني مخليهم يسمحون لكم بالخروج وانا مستنيكم قالوا وين المكان قال اسؤلوا اي واحد عن بيت الشريف وهو بيدلكم

المهم مشى الرجال واستعزموله يوم جو بيحاسبون على المطعم لقوه محاسب عنهم ، المهم انهم راحوله وقص لهم قصته وكان يقول اني انا ماني مهتم إلا من هالبنات من بيتزوجون !!!

تلاحقوا يا عتابه بنات عمكم لا ياخذونهم زرق العيون حمر الوجيه!!

صدقت اخوي اللاصوم , وانا ذكرت القصة , في القسم العام من حوالي اربعة شهور.

والشيباني قصة صحيحة مائة بالمائة.

شكرا اخوي ابن مشبب...وانا ودي ان اي واحد يعرف عتيبي في مكان ما انه يعلمنا....

انا مره رحت يم الاردن دوره تبع العمل <-------- لاتفهمون غلط
واذكر اني لقيت واحد شغال في مقهى انترنت اسم المقهى عتيبي انترنت المهم سالت الرجال انت عتيبي قالي ايه قلت من اي العتبان قالي من الحفيات يقصد الحفاه ويوم وراني اثباته الا مكتوب اسمه بالكامل الروقي العتيبي وقالي الحفاه هنيا واجد وفي فلسطين بعد في غزه ونابلس ( يعني ابطال الانتفاضه من الحفاه هههههه )
المهم الرجال يوم عرفته على نفسي طاربي وعزمني على منسفه ( اكله اردنيه ) زي المفطح عندنا وسولفت مع ابوه عن انتقالهم للاردن قالي حنا انتقلنا ايام الشريف يوم يطرده الملك عبدالعزيز ومعه عرب واجد واكثرهم عتبان

الاخ الحافي مشكور على الرد
وبالنسبه للاردن وسوريا فيهم كثير عتبان روسان وحفاه وحتى فلسطين...يا ولد لا تروح بعيد انت عينت المذيعه الي تطلع في الجزيره في نشرة الاخبار الاقتصاديه الي اسمها البرقاوي تراها عتيبيه من عتبان فلسطين..

اضافة الى ما ذكره الاخوان يوجد عتبان في العراق ولبنان وخاصة جنوب لبنان
اما فلسطين فاكثرهم في سلفيت وهم من الحفاة