01-May-2006, 01:41 AM
مطلق بن شوية
يابنت ياللّي مالـك اشبـاه .. ياللّـي =
مكاحلـك سـودا .. ورمشينـك طـوال
و وجهك بشوش .. وحاجبك مسفهلّي =
وخصرك نحيل .. وقدّك أهيـفّ وميّـال
وعنقك طويل .. ونافر .. ومستقلّـي =
وصدرك هنا فنجال .. وهنـاك فنجـال
وسوالفـك معهـا البشايـر تِهِلّـي =
أعذب من النسمات .. وأطيبّ من الفال
وطبايعك .. لا يـا بعـد كـل ملّـي =
أحلى من أحلى شي يطري على البـال
أطهر من القلب الخشـوع المصلّـي =
وأصدق من الضحكه على وجيه الأطفال
فتنـة حـلا .. مافيـك شـيٍ يملّـي =
من جرّتـك فـالأرض لـحبّـة الخـال
ويقـي مـن رواق الحنايـا وطلّـي =
علـى مكـانٍ مانـزل فـيـه نــزّال
ضلـعٍ يرحـب بـك وضلـعٍ يهلّـي =
تربعي وسطـه مـن الجـال لـالجـال
لـرضاك ترخص وقفتي في محلّـي =
ودمـوع عينـي لا تذكـرت الأطـلال
مـدام مطلوبـي رضـاك وحصلّـي =
والله لـأبيـع أبـو رياليـن بـريـال
دوسي على روس الظروف وتعلّـي =
وبيعي لـزولي ماعرفتـي مـن أزوال
ياتـل قلبـي مـن عراويـه تـلّـي =
بين المفارق .. والظما .. واشهب اللال
أن كان جيتيني .. فـأنا جيت كلّـي =
وأن كان رحتي .. يـالله أن ترحم الحال
وأليا نقص قـدر الغـلا ربـع ملّـي =
غنّـي علـى فرقـا المواليـف مـوّال
وأخذي من كبـار السوالـف وخلّـي =
ماكـل رجـالٍ يعـوضـك بـرجــال
يابنت ياللّي مالـك اشبـاه .. ياللّـي =
مكاحلـك سـودا .. ورمشينـك طـوال
و وجهك بشوش .. وحاجبك مسفهلّي =
وخصرك نحيل .. وقدّك أهيـفّ وميّـال
وعنقك طويل .. ونافر .. ومستقلّـي =
وصدرك هنا فنجال .. وهنـاك فنجـال
وسوالفـك معهـا البشايـر تِهِلّـي =
أعذب من النسمات .. وأطيبّ من الفال
وطبايعك .. لا يـا بعـد كـل ملّـي =
أحلى من أحلى شي يطري على البـال
أطهر من القلب الخشـوع المصلّـي =
وأصدق من الضحكه على وجيه الأطفال
فتنـة حـلا .. مافيـك شـيٍ يملّـي =
من جرّتـك فـالأرض لـحبّـة الخـال
ويقـي مـن رواق الحنايـا وطلّـي =
علـى مكـانٍ مانـزل فـيـه نــزّال
ضلـعٍ يرحـب بـك وضلـعٍ يهلّـي =
تربعي وسطـه مـن الجـال لـالجـال
لـرضاك ترخص وقفتي في محلّـي =
ودمـوع عينـي لا تذكـرت الأطـلال
مـدام مطلوبـي رضـاك وحصلّـي =
والله لـأبيـع أبـو رياليـن بـريـال
دوسي على روس الظروف وتعلّـي =
وبيعي لـزولي ماعرفتـي مـن أزوال
ياتـل قلبـي مـن عراويـه تـلّـي =
بين المفارق .. والظما .. واشهب اللال
أن كان جيتيني .. فـأنا جيت كلّـي =
وأن كان رحتي .. يـالله أن ترحم الحال
وأليا نقص قـدر الغـلا ربـع ملّـي =
غنّـي علـى فرقـا المواليـف مـوّال
وأخذي من كبـار السوالـف وخلّـي =
ماكـل رجـالٍ يعـوضـك بـرجــال
