الى الاخ بدر الجعيداني مع التحيه

اخوي بدر الجعيداني طابت اوقاتك بكل خير طرحت سؤال في احد ردودك السابقه على احد المواضيع

عن البيت الشعري الجميل اللي يقول






الصبر مفتاح الفرج والجميله **** ويفتح لبيبان الجميله ميت باب





وهل هو للشاعر القوبع :


بعد البحث والتحري أخبرك أن البيت المذكور هو لشاعرنا الكبير عبد المعين بن عقل الثعلي العضياني


وهو من ضمن قصيده طويله ورائعه كما هي عادت عبدالمعين جزل وقصايده جزله أذكر منها هذه الابيات







كثر الوصايا يافهد ويش هيله **** ما قل دل وما كثر منه الاتعاب
ترى عمود البيت ما يرتكيله **** الا ليا قامت ركونه بالاطناب
وبيت بغير اوتاد ما ينبنيله **** وبيتً عموده لاش فيه الخرث عاب
أوصيك بالخمس الفروض الفضيله **** فرضه على عبده على حق وكتاب
والصبر مفتاح الفرج والجميله **** ويفتح لبيبان الجميله ميت باب
ومصالحً بين العميل وعميله **** وما فك قدم السبب حبل الانشاب
مفرق الانشاب ما ينجزيله **** يشمل أمورً مالها حد وحساب

تسلم يمينك يالقوبع المبدع فكلامك جميل ومنطقي والشاعر الكبير/عبدالمعين ابن ثعلي رمز من رموز الشعر والحكمه في وقتنا المعاصر ولاننسى شاعرنا وشاعر العضيان بعده الشاعر الكبير/شباب بن فايح القوبع العضياني اطال الله عمره على التقوى والصلاح فزودونا بشعره الجزيل والذي لم يطرح في المنتديات

انشاء الله اخوي بدر الجعيداني سوف تقراء قريبا العديد من القصائد الجديده والفريده للشاعر شباب بن فايح القوبع العضياني


وحصرياً في هذا الموقع فقط وتقبل فائق تحياتي وتقديري