ياكثرهم .. لا قلت لك .. عرفة وجيه / وياقلـهـم .. لا قـلـت .. قــدر ومـعـزه

السلام عليكم ورحمة الله وبركاته

احدى روائع المبدع / خلف مشعان




ياكثرهم .. لا قلت لك .. عرفة وجيه=وياقلـهـم .. لا قـلـت .. قــدر ومـعـزه
رجـلٍ .. تعـزه بعـد ماتلتـقـي .. فـيـه=ورجـلٍ .. قبـل ماتلتقـي بـه .. تـعـزه
ورجـلٍ .. تـرزه بالمجـالـس مبـاديـه=ورجـلٍ .. فلوسـه بالمجـالـس تــرزه
ورجلٍ .. يموت ولا يجيبـون طاريـه=ورجل ٍ .. يجي طاريـه فـي كـل حـزه
ورجلٍ يهزه .. بعض موقف ويشقيه=ورجلٍ .. مهوب أيّات موقف يهـزه
ورجلٍ .. ضعيف .. ويستفزه معاديه=ورجـلٍ .. كـلام اعـداه .. مايستـفـزه
ورجلٍ .. تلزه يعترف لـك .. بخافيـه=ورجـلٍ .. علـى خافيـه .. محـدٍ يلـزه
ورجلٍ .. يوزونه .. ويزعـل بنيخيـه=ورجلٍ .. يزعّـل مـن يحـاول ، يـوزه
ورجلٍ .. تكـزه لا زم انـك .. توصيـه=ورجـلٍ .. بلـيّـا مــا توصـيـه .. كــزه
من لا فرش .. للمرجلـه .. ماتغطيـه=ومن لايخز .. النـاس .. محـدٍ يخـزه
ان كنت تعرفني فهي .. عرفة وجيه=مو شرط لك بالقلب قدر .. ومعـزه

أخوكم / طارق النفيعي

صح السان الوائلي ولسانك يالغالي

مشكوور على الرد

الله..

قصيده فيها قناعات ومبادئ الشاعر

شاعر جميل الشاعر الجماهيري خلف بن مشعان

الف شكر لك يالمميز على الاختيار

محبك

,

لاهنت يا طارق
وسلمت يمناك عالنقل

العفو وشكرا ً على تواصلكم والرد

يا سلام.

صح لسان خلف المشعان.

والف شكر على النقل.

شكرا للرد والتواصل ..

السلام عليكم ورحمة الله ،،

ودي بقصيدة صوتية للشاعر المبدع / خلف مشعان

القصيدة بعنوان / أنواع الرجاجيل

وهل هي موجودة بالمنتدى ؟

أبشر أبشر

أن حصلتها ما راح أقصر ..

جاري البحث والتدوير ..

وحياك الله في منتديات الهيلا وإن شاء الله نشوف أبداعك وتواصلك ..

أخوك / طارق النفيعي

سم يبوي ..

موجودة أبشرك وحصلناها ..

وتستاهل يابن العم ..


http://www.youtube.com/watch?v=JLFZ5DRNZfA

لاهنت يا طارق

وصح لسان شاعرها

قصيدة جزلة بمعنى الكلمة

صح بدنك ومشكور على التواصل ..

قصيده جميله



مشكورين والله يعطيك الف عافيه

العفو وشكرا ً للتواصل ..